އދ. ދަނގެތި އާ ޖެޓީގެ މަސައްކަތުގެ ބަނދަރު ފުންކުރުމާއި، ކޮންކްރީޓް ބްލޮކް ޖެހުމުގެ މަސައްކަތް ކުރިއަށްދާކަމަށް އެމްޓީސީސީން ބުނެފިއެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި ބަނދަރުގެ 69،500 ކިއުބިކް މީޓަރު، ނެރުގެ 33،600 ކިއުބިކް މީޓަރު، އަދި ފަތާ ސަރަހައްދުގެ 7،800 ކިއުބިކް މީޓަރުގެ ސަރަހައްދެއް ފުންކުރުން ހިމެނެއެއެވެ.
އެމްޓީސީސީން ބުނީ 675 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި،389 މީޓަރުގެ ސަރަހައްދެއްގައި އެއްގަމު ތޮށިލުމުގެ މަސައްކަތް ވެސް އެ މަޝްރޫއުގެ ދަށުން ކުރިއަށްދާނެ ކމަށެވެ.
35 މީޓަރު ދިގު، 6 މީޓަރު ފުޅާ ބްރިޖެއް އެޅުމާއި، 11 މީޓަރުގެ ރޭމްޕެއް ގާއިމްކުރުމުގެ އިތުރުން 3،052 އަކަ މީޓަރުގެ ސަރަހަަައްދެއްގައި ޕޭވްމެންޓް ހެދުން ހިމެނެއެވެ.
މީގެ އިތުރުން މަގު ބައްތިއާއި ބަނދަރު ބައްތި ވެސް ހަރުކުރާނެއެވެ.
އދ. ދަނގެތި އާ ޖެޓީގެ މަސައްކަތް އެމްޓީސީސީއާ ހަވާލުކޮށްފައިވަނީ މިދިޔަ އަހަރު ސެޕްޓެމްބަރު މަހުއެވެ. މި މަޝްރޫއަކީ 71.16 މިލިއަން ރުފިޔާގެ މަޝްރޫއެކެވެ.
ސަރުކާރުން އަންނަނީ ދަނގެތީގައި ތަރައްގީގެ އިތުރު މަޝްރޫއުތަކެއް ވެސް ހިންގަމުންނެވެ.
ކިޔުންތެރިންގެ ހިޔާލު