ދަނޑުވެރިކަމާއި ކާނާ އުފެއްދުމުގެ ދާއިރާ ކުރިއެރުވުމަށް ޒުވާނުންގެ ހިޔާލާއި ހަކަތަ ވަރަށް މުހިންމުކަމަށް ދަނޑުވެރިކަމާއި ދިރޭތަކެއްޗާބެހޭ ވަޒީރު މަރްޔަމް މާރިޔާ ވިދާޅުވެއްޖެއެވެ.
މިއަދު ފާހަގަކުރާ ދުނިޔޭގެ ސިއްހަތު ދުވަހާއި ގުޅިގެން ސޯޝަލް މީޑިއާގައި ކުރެއްވި ޕޯސްޓެއްގައި ވަޒީރު ވިދާޅުވީ، ޞިއްޙަތު ރަނގަޅު ދިރިއުޅުމެއް ބިނާވަނީ ސައިންސަށް ބިނާވެ، ހެކިތަކަށް ތަބާވެ ކުރާ މަސައްކަތުން ކަމަށެވެ. އަދި ދިވެހި ޒުވާނުންގެ ޙިއްސާ އެކަމުގައި ވަރަށް މުހިންމު ކަމަށާއި، ދަނޑުވެރިކަމާއި ކާނާ އުފެއްދުމުގެ ދާއިރާ ކުރިއެރުވުމަށް ޒުވާނުންގެ ޚިޔާލާއި ހަކަތަ ބޭނުންވާ ކަމަށެވެ.
މިއަދަކީ ދުނިޔޭގެ ސިއްހަތު ދުވަހެވެ. 🌍
މިއަހަރުގެ ޝިއާރަކީ “Together for Health. Stand with Science” އެވެ.
ސިއްހަތު ރަނގަޅު ދިރިއުޅުމެއް ބިނާވަނީ ސައިންސަށް ބިނާވެ، ހެކިތަކަށް ތަބާވެ ކުރާ މަސައްކަތުންނެވެ.Advertisementދިވެހި ޒުވާނުންގެ ހިއްސާ އެކަމުގައި ވަރަށް މުހިންމެވެ. ދަނޑުވެރިކަމާއި… https://t.co/mJNSIjYL5S
— Maryam Mariya (@mmaryambu) April 7, 2026
މިއަހަރުގެ ދުނިޔޭގެ ޞިއްޙަތު ދުވަހާއި ގުޅިގެން ދުނިޔޭގެ ޞިއްޙަތު ޖަމިއްޔާ، ޑަބްލިއު.އެޗް.އޯއިން ކަނޑައަޅާފައިވާ ޝިއާރަކީ “ޞިއްޙަތަށްޓަކައި އެކުގައި ސައިންސާއެކު ސާބިތުވެ ތިބެމާ”އެވެ.
ކެމްޕޭނުގެ ދަށުން އިންސާނުންނާއި، ދިރޭތަކެއްޗާއި، ތިމާވެށީގެ ޞިއްޙަތު ރައްކާތެރި ކުރުމަށް ސައިންސްގެ އަލީގައި ގުޅިގެން މަސައްކަތް ކުރުމަށް ދުނިޔޭގެ ހުރިހާ ޤައުމަކަށް ވަޒީރު ގޮވާލެއްވިއެވެ. އަދި ދިވެހި ޒުވާނުން ދަނޑުވެރިކަމުގެ ދާއިރާއަށް ނުކުތުމަށްވެސް ވަޒީރު ވަނީ ގޮވާލައްވާފައެވެ.
ކިޔުންތެރިންގެ ހިޔާލު