އޮޅުވާލައިގެން މަކަރާއި ހީލަތުން ފައިސާ ހޯދި ތިން މައްސަލައެއްގައި ތިން މީހަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.

މި މައްސަލަތަކުގައި ހައްޔަރުކޮށްފައި ވަނީ ގދ. ހޯނޑެއްދޫ، ފެހިވިނަމާގެ، އަޒުހީމް ސަޢީދު (36އ) އާއި ޏ. ފުވައްމުލައް، ދޫޑިގަން.ގޯލްޑަންގޭޓް، ޢަލީ ޝަފާޒު (31އ) އާއި ސ. ހިތަދޫ، ކުޅިބަލާގެ، މުޙައްމަދު ޖުނައިދު (47އ) ކަމަށް ފުލުހުން ބުނެއެވެ.

ފުލުހުން ބުނީ އަޒުހީމް ސަޢީދު ހައްޔަރުކުރީ ސޯޝަލް މީޑިއާ ހެކްކޮށް، އެހެން މީހެއްގެ ނަމުގައި އެކައުންޓެއް ހަދައިގެން މީހެއްގެ އަތުން 3،500 ރުފިޔާ ހޯދި މައްސަލައެއްގައި، މި މަހުގެ 12 ވަނަ ދުވަހު ކަމަށެވެ. ޢަލީ ޝަފާޒު ހައްޔަރުކުރީ ވެސް ހަމަ އެ ބާވަތުގެ މައްސަލައެއްގައި، މީހެއްގެ އަތުން 4،500 ރުފިޔާ ހޯދައިގެން ކަމަށާއި، އޭނާ ހައްޔަރުކުރީ މި މަހުގެ 27 ވަނަ ދުވަހު ކަމަށެވެ.

މުޙައްމަދު ޖުނައިދު ހައްޔަރުކުރީ ޑޮލަރު ވިއްކާނެ ކަމަށް ބުނެ މީހެއްގެ އަތުން 29،987 ރުފިޔާ ހޯދި މައްސަލައެއްގައި، މި މަހުގެ 20 ވަނަ ދުވަހު ކަމަށް ފުލުހުން ބުނެއެވެ.

މި ތިން މީހުން ވެސް ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ބަންދުގައި ބެހެއްޓުމަށް ވަނީ އަމުރުކޮށްފައެވެ.