ސަރުކާރު ޒިންމާދާރު ނުކުރެވިގެން އިދިކޮޅު އެމްޑީޕީން އުޅެނީ އެޕާޓީގެ މެޖޯރިޓީ ނެތިގެން ނޫންކަމަށާއި، އިދިކޮޅުގައި ނެތީ ހަރުދަނާ ލީޑަރޝިޕެއްކަމަށް އިޤްތިޞާދީ ތަރައްޤީއާއި ވިޔަފާރިއާއި ބެހޭ ވަޒީރު ވިދާޅުވެއްޖެއެވެ.
ރޭ މާފަންނު އުތުރު ޖަގަހަ ހުޅުވުމަށް ބޭއްވި ކެމްޕެއިން ހަރަކާތުގައި ވާހަކަފުޅު ދައްކަވަމުން ވަޒީރު ވިދާޅުވީ، ޕީއެންސީގެ ތެރޭގައި ވަރަށް ތަޢުލީމީ ކެންޑިޑޭޓުންނާއި، ވަރަށް ތަޖުރިބާހުރި ކެންޑިޑޭޓުންނާއި، ވަރަށް ޒުވާން ކެންޑިޑޭޓުންވެސް އެބަތިބިކަމަށެވެ. އެ ކެންޑިޑޭޓުންގފެ ތެރޭގައި ރައީސް ޑރ. މުޙައްމަދު މުޢިއްޒުގެ ވަޢުދުތައް ހަގީގަތަކަށް ހެދުމަށްޓަކައި ކަންކުރެވޭނެ ބޭފުޅުންވެސް އެބަތިބިކަމަށް ވަޒީރު ވިދާޅުވިއެވެ. ހަމައެފަދައިން އެމްޑީޕީގެ ތެރޭގައިވެސް އެފަދަ ތަޢުލީމީ ކެންޑިޑޭޓުންވެސް ތިބެދާނެކަމަށާއި، ނަމަވެސް އެޕާޓީގައި މަދުވަނީ ހަރުދަނާ ލީޑަރޝިޕެއްކަމަށް ވަޒީރު ވިދާޅުވިއެވެ. މިއަދު އެ ދެޕާޓީއަށް ވިސްނާލާއިރު، އެންމެ ހަރުދަނާ ލީޑާރޝިޕެއް އޮތީ ޕީއެންސީގައިކަމަށާއި، ރާއްޖޭގަ ކަންކަން ހަމަ މަގަށް އެޅުވުމަށްޓަކައި ރައީސް ޑރ. މުޙައްމަދު މުޢިއްޒު ޢަމަލުކުރައްވާ ގޮތަކީ މިއަދު އެންމެ ރަނގަޅުގޮތްކަމަށްވެސް ވަޒީރު ވިދާޅުވިއެވެ. އަދި ރައީސް ގެންދަވަނީ ނަތީޖާ ނެރެދެއްވަމުންކަމަށްވެސް ވަޒީރު ވިދާޅުވިއެވެ.
އިދިކޮޅިން މެޖޯރިޓީ ނެތިގެނެއް ނޫނޭ ޒިންމާދާރު ނުކުރެވިގެން މިއުޅެނީ. އިދިކޮޅުގެ އިދިކޮޅުގެ ހިންގުމުގެ މައްސަލައެއް އެބައުޅޭ އިނގޭތޯ. ލީޑަރޝިޕެއް ނެތް ހަގީގަތުގައި. ޑިމޮކްރެޓިކް ނިޒާމެއްގައި މުހިންމު ހަރުދަނާ…މިީ..ޒަމާނީ… ހަރުދަނާ.. ޒިންމާދާރު އިދިކޮޅު ޕާޓީއެއް އޮތުން. އެހެންނަމަވެސް އެމްޑީޕީގެ.. މިއިދކޮޅު ޕާޓީގެ.. އެމްޑީޕީގެ ވިސްނުމެއް މިއަދަކު ނެތް އިނގޭތޯ!
Advertisementއިޤްތިޞާދީ ވަޒީރުު ވިދާޅުވިއެވެ.
ވަޒީރު ވިދާޅުވީ، އިދިކޮޅު އެމްޑީޕީގައި އައު ވިސްނުމެއް ނެތް ކަމަށާ އިންތިޚާބަކުން އެ ޕާޓީއަށް ފުރުސަތު ދޭންޖެހޭ ސަބަބެއް ނެތްކަމަށެވެ. އެމްޑީޕީއަށް ރައްޔިތުން ފުރިހަމަ ބާރު ދިން ކަމަށާ ނަމަވެސް އެބާރު ލިބުމުން ކަންކަން ވީގޮތް ހަނދާން ނެތޭހާ ދުވަސް ނުވާ ކަމަށް ވަޒީރު ވިދާޅުވިއެވެ. އެމްޑީޕީގެ ފަސް އަހަރުގެ ވެރިކަން ނިމިގެންދިޔައިރު ދައުލަތުގެ ރިޒާވް ގައި 15 ދުވަހު ކާބޯތަކެތި ގަންނާނެ ފައިސާ ނެތް ކަމަށް ސަޢީދު ވިދާޅުވި އެވެ. އަދި ޑިމޮކްރެޓިކް ނިޒާމަށް އެ ޕާޓީން އިސްވެ ދިން ގެއްލުން ފެންނަން އެހުރީ ކަމުގައި ވަޒީރު ވިދާޅުވިއެވެ.
ކިޔުންތެރިންގެ ހިޔާލު