ބިންވެރިޔާ” ސްކީމްގެ ދަށުން ގިރާވަރުފަޅުން ގޯތި ލިބިފައިވާ މީހުންނަށް އެ ފަޅުގެ އާ ލޭންޑް ޔޫސް ޕްލޭނާ އެއްގޮތަށް ޕްލޮޓްތައް ކަނޑައެޅުމަށް ބާއްވާ ގުރުއަތުލުން މިއަދު ފަށައިފިއެވެ.
މިއީ ގިރާވަރުފަޅުގެ ލޭންޑް ޔޫސް ޕްލޭނަށް ބަދަލުތަކެއް ގެނެސް، އާ ޕްލޭނެއް އެކުލަވާލުމާ ގުޅިގެން ނަގާ ގުރުއަތުލުމެކެވެ. އާ ލޭންޑް ޔޫސް ޕްލޭންގައި ވާ ގޮތުން މިހާރު ދޫކުރުމަށް ނިންމާފައިވަނީ ޖުމްލަ 4،072 ގޯއްޗެވެ.
މި ބަދަލާއެކު ކުރިން ކަނޑައަޅާފައިވާ ގޯތިތަކުގެ ސަރަޙައްދުތަކަށް ބަދަލު އައިސްފައިވާތީ، ކޮންމެ ގޯއްޗަކަށް ވެސް މިހާރު ވަނީ އާ ލޮޓް ނަންބަރުތަކެއް ކަނޑައަޅާފައެވެ. މިއަދު ކުރިއަށްދާ ގުރުއަތުލުމަކީ މި ބަދަލާ ގުޅިގެން ގޯތި ލިބިފައިވާ ފަރާތްތަކަށް އާ ޕްލޮޓްތައް ޙަވާލުކުރުމަށްޓަކައި ކުރިއަށްގެންދާ މަސައްކަތެކެވެ.
ގިރާވަރުފަޅުން ދޫކޮށްފައިވާ ގޯތިތަކުގެ ތަފްސީލަށް ބަލާއިރު: • 1250 އަކަފޫޓުގެ 2605 ގޯތި • 1650 އަކަފޫޓުގެ 1213 ގޯތި • 2050 އަކަފޫޓުގެ 253 ގޯތި • 2450 އަކަފޫޓުގެ 1 ގޯތި
ހައުސިން މިނިސްޓްރީން ވިދާޅުވި ގޮތުގައި، ގުރުއަތުލުމުގެ ކަންކަން ކުރިއަށް ގެންދަނީ އެ މިނިސްޓްރީގެ މުވައްޒަފުންނެވެ. ގުރުއަތުލާ ހޯލަށް ކޮންމެ ޕްލޮޓަކުން އެކަކަށް ވަދެވޭނެ އިންތިޒާމު ހަމަޖައްސާފައިވާއިރު، ގުރުއަތުން ލިބޭ ޕްލޮޓް ނަންބަރު އެ ފަރާތަކަށް ވަގުތުން އެސްއެމްއެސް މެދުވެރިކޮށް ލިބިގެންދާނެއެވެ.
ކިޔުންތެރިންގެ ހިޔާލު