ފީފާއިން އެފްއޭއެމަށް ފޮނުވި ފައިސާ ލޯންޑާކުރުމުގައި އެހީތެރިވި ކަމުގެ ތުހުމަތު ކުރެވޭ އެފްއޭއެމްގެ ފައިނޭންޝަލް ޑިޕާޓްމަންޓްގެ ކުރީގެ ހެޑް މުހައްމަދު އަގީލް ތައިލެންޑުގެ ބެންކޮކުން ހައްޔަރުކޮށްފިއެވެ. އޭނާ ހައްޔަރުކުރީ ފިލައިގެން ބެންކޮކުގައި އުޅެނިކޮށް މީގެ ހަފުތާއެއްހާ ދުވަސް ކުރިންނެވެ.

އަގީލްގެ މައްޗަށް ދައުވާކޮށްފައިވަނީ އަމިން އެވެނިއުން އެޕާޓްމަންޓެއް ގަތުމަށާއި މަނީ ލޯންޑާކުރުމަށް އެފްއޭއެމްގެ ކުރީގެ ރައީސް ބައްސާމް އަދީލް ޖަލީލަށް އެހީތެރިވެދިން ކަމަށް ބުނެއެވެ. ޝަރީއަތަށް ހާޒިރުނުވުމުގެ ސަބަބުން އޭނާ ހައްޔަރުކޮށްގެން ކޯޓަށް ހާޒިރުކުރުމަށް މިދިޔަ އަހަރުގެ ނޮވެމްބަރު މަހު ކޯޓުން އަމުރުކޮށްފައިވެއެވެ.

މި މައްސަލާގައި ހިމެނޭ ބައްސާމް އަދީލް ޖަލީލުގެ މައްޗަށް މަނީ ލޯންޑްރިންގެ ކުށް ސާބިތުވެ، އޭނާ މިހާރު ގެންދަނީ 23 އަހަރުގެ ޖަލު ހުކުމެއް ތަންފީޒު ކުރަމުންނެވެ.

އިޝްތިހާރު އިޝްތިހާރު