ގައުމުގައި ނަމޫނާ ދައްކާފައިވާ ލީޑަރުންގެ ފަހަތުގައި ތިބެންޖެހޭ ކަމަށް ނައިބު ރައީސް ހުސައިން މުހައްމަދު ލަތީފް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ މާލޭގެ މޭޔަރު ކަމަށް ޕީއެންސީން ވާދަކުރައްވާ މޭޖާ ޖެނެރަލް ރިޓަޔާޑް މޫސާ އަލީ ޖަލީލްގެ ކެމްޕޭން ޖަގަހަ ހުޅުވުމަށް މިރޭ ބޭއްވި ޖަލްސާގައި ވާހަކަފުޅުދައްކަވަމުންނެވެ.
ނައިބު ރައީސް ވިދާޅުވީ މޫސާ އަލީ ޖަލީލް ނިކުމެވަޑައިގެން ހުންނެވީ ވަރުގަދަ ޓީމަކާ އެކުގައި ކަމަށާއި، އެއީ ރައީސް ޑރ. މުހައްމަދު މުއިއްޒުގެ ތަރައްޤީގެ ތަޞައްވުރު ތަންފީޒު ކުރެވޭނެ ބޭފުޅުން ކަމަށެވެ.
މާލޭގެ މޭޔަރު ކަމަށް ޕީއެންސީން ވާދަކުރައްވާ މޫސާ އަލީ ޖަލީލް ހިމެނޭހެން ޕީއެންސީގެ ހުރިހާ ކެންޑިޑޭޓުންނަށް ވޯޓު ދެއްވުމަށް ނައިބު ރައީސް ރައްޔިތުންގެ ކިބައިން އެދިވަޑައިގަތެވެ.
“އަޅުގަނޑުމެން ތިބެންވީތޯއޭ މިއަދު މާލޭ ރައްޔިތުން އަބަދު މާޒީގެ ވާހަކަ ދައްކަ ދައްކާލަ. އަޅުގަނޑުމެންގެ ސިޔާސީ ލީޑަރުން އެދައްކާ އޮޅުވާލުންތަކުގެ ތެރޭގައި ޣާފިލްވެގެން ތިބެންވީތޯއޭ. ނޫން، އެއަށްވުރެ މާ ވިސްނުންތެރި، މާ ތައުލީމީ، މާ ގާބިލް ޒުވާނުންތަކާ ޒިންމާދާރު ވެރިންތަކެއް އުފެދުނު ތަނެއް މީ،” ނައިބު ރައީސް ވިދާޅުވިއެވެ.
ކިޔުންތެރިންގެ ހިޔާލު