ސްޓެލްކޯ އިން ލޭ ހަދިޔާ ކުރުމުގެ ޕްރޮގްރާމެއް ކުރިއަށް ގެންގޮސްފިއެވެ.
ސްޓެލްކޯއިން ވިދާޅުވީ އެ ޕްރޮގްރާމަކީ ލޭ ބޭނުންވާ މީހުންނަށް ފަސޭހައިން ލޭ ލިބޭނެ އިންތިޒާމު ހަމަޖެއްސުމުގައި ހިއްސާވުމަށް އެ ކުންފުނިން އިސްނަގައިގެން ކުރިއަށް ގެންދިޔަ ހަރަކާތެއް ކަމަށެވެ.
ލޭ ހަދިޔާ ކުރުމުގެ ޕްރޮގްރާމް ކުރިއަށް ގެންގޮސްފައި ވަނީ މޯލްޑިވިއަން ބްލަޑް ސާވިސަސްއާ ގުޅިގެންނެވެ.
މި ޕްރޮގްރާމްގައި ލޭ ހަދިޔާ ކުރުމަށް ގިނަ މުވައްޒަފުން ވޮލަންޓިއާކުރި ކަމަށް ސްޓެލްކޯއިން ވިދާޅުވިއެވެ.
ލޭ ހަދިޔާ ކުރުމުގެ އެ ޕްރޮގްރާމަކީ ކޮންމެ އަހަރަކު ވެސް ބާއްވަމުން އަންނަ ޕްރޮގްރާމެކެވެ.
މިދިޔަ އަހަރު ވެސް ސްޓެލްކޯއިން ލޭ ހަދިޔާ ކުރުމުގެ ޕްރޮގްރާމެއް ކުރިއަށް ގެންދިޔައެވެ. އެފަހަރު ލޭ ހަދިޔާ ކުރުމަށް 100 އާ ގާތްކުރާ އަދަދަކަށް މުވައްޒަފުން ވޮލަންޓިއާކުރިއެވެ.
ކިޔުންތެރިންގެ ހިޔާލު