ރިޔާސީ އިންތިހާބަށް ކުރިމަތިލުމުގެ ވިސްނުންފުޅު ނުގެންގުޅުއްވާ ކަމަށް ރައީސް ޑރ. މުހައްމަދު މުއިއްޒުގެ ސްޕެޝަލް އެންވޯއީ އަދި ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
އެސްއެސްޓީވީގެ “ބާރު ހަތަރެއް” ޕްރޮގްރާމުގައި މިރޭ ވާހަކަފުޅުދައްކަވަމުން ރައީސް ވަހީދު ވިދާޅުވީ ބޭނުންފުޅުވަނީ ގައުމަށް ހިދުމަތްކުރެއްވުމަށް ކަމަށާއި 2028 ގެ ރިޔާސީ އިންތިހާބުގައި ވާދަކުރެއްވުމުގެ ވިސްނުންފުޅު ނުގެންގުޅުއްވާ ކަމަށެވެ.
“އިންތިހާބަށް ކުރިމަތިލުމުގެ އެއްވެސް ވިސްނުމެއް ނުގެންގުޅެން. އަޅުގަނޑުގެ އެ ދައުރު ނިމިއްޖެ. އަޅުގަނޑުގެ ވިސްނުމަކީ ގައުމަށް ހިދުމަތްކުރުން،” އެ މަނިކުފާނު ވިދާޅުވިއެވެ.
ރައީސް ވަހީދު ވިދާޅުވީ މި ސަރުކާރަށް ހިދުމަތްކުރެއްވުމުގެ ފުރުސަތު ރައީސް މުއިއްޒު ދެއްވުމަކީ ވަރަށް އުފާކުރައްވާ ކަމެއް ކަމަށާއި އެކަމަށްޓަކައި އެ މަނިކުފާނަށް ހާއްސަ ޝުކުރެއް އަދާކުރައްވާ ކަމަށެވެ.
ކިޔުންތެރިންގެ ހިޔާލު