މާދަމާ މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފި އެވެ.

ސްޓެލްކޯއިން މިއަދު އެކްސްގައި ބުނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތްތަކެއް ކުރުމަށް ރާވާފައިވާތިީ މާދަމާ ހެނދުނު އަދި މެންދުރުގެ ވަގުތުތަކެއްގައި މާލެ އަދި ހުޅުމާލެއިން ކަރަންޓު ކެނޑިދާނެ ކަމަށެެވެ.

މާދަމާ ހެނދުނު 10އަކުން 12 އަށް ކަރަންޓު ކެނޑޭނެކަމަށް ލަފާކޮށްފައި ވަނީ މާލެ ސިޓީ، ހުޅުމާލެ ފޭސް 1،ކެލާ މަގު، ކާނި މަގު އަދި ނިރޮޅުމަގު ގޯޅި 20 އަދި 21 ހިމެނޭ ސަރަޙައްދުން ނެވެ.

އަދި މާދަމާ މެންދުރު ދޭކުން ހަވީރު ހަތަރަކަށް ކަރަންޓު ކެނޑިދާނެ ކަމަށް ލަފާކޮށްފައިވަނީ މާލެ ސިޓީ، ހުޅުމާލެ ފޭސް 1، ނިރޮޅު މަގު، ލަންސިމޫ ގޯޅި އަދި ނިރޮޅުމަގު ގޯޅި 17 އަދި 18 ހިމެނޭ ސަރަޙައްދުން ނެވެ.

އެހެންވެ ރަައްޔިތުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ.