ސްޓެލްކޯގެ އިންޖީނުގޭގައި ހުރި މައި އިންޖީނެއްގެ ދުންހޮޅީގައި ހިނގި އަލިފާނުގެ ހާދިސާ، އެމްއެންޑީއެފްގެ ފަޔަރ އެންޑް ރެސްކިޔު ސަރވިސްގެ ފަޔަރ ފައިޓަރުންގެ އަވަސް މަސައްކަތުން ކާމިޔާބުކަމާއެކު ނިއްވާލެވިއްޖެއެވެ.
އެމްއެންޑީއެފްގެ ފަރާތުން މިއަދު ދެއްވި މަޢުލޫމާތުގައިވާ ގޮތުން، މި ހާދިސާގެ ރިޕޯޓު ލިބިފައިވަނީ މިއަދު ހެނދުނު 06:19 ގައެވެ. މި މަޢުލޫމާތު ލިބުމާއެކު، އެމްއެންޑީއެފްގެ ފަޔަރ ފައިޓަރުން ވަގުތުން ހާދިސާ ހިނގި ސަރަޙައްދަށް ރަވާނާވެ، އަލިފާން ނިއްވުމުގެ މަސައްކަތް ފަށާފައިވެއެވެ.
“އަޅުގަނޑުމެންގެ ފަޔަރ ފައިޓަރުންގެ ހަލުވި އަދި ހުނަރުވެރި މަސައްކަތުގެ ނަތީޖާއެއްގެ ގޮތުން، އަލިފާން މުޅިން ނިއްވާލެވިފައިވަނީ 06:30 ހާއިރުއެވެ،” އެމްއެންޑީއެފްގެ ފަރާތުން ވިދާޅުވިއެވެ.
Advertisement
އިތުރު ތަފްޞީލު ދެއްވަމުން، އެމްއެންޑީއެފްގެ ބަޔާނުގައި ފާހަގަކުރައްވާފައިވަނީ މި ހާދިސާގައި އެއްވެސް ފަރާތަކަށް އަނިޔާއެއް ލިބިފައިނުވާ ކަމަށެވެ. މި ކާމިޔާބު އޮޕަރޭޝަނަކީ އެމްއެންޑީއެފްގެ ފަޔަރ ފައިޓަރުންގެ ތަމްރީނާއި ތައްޔާރީގެ ހެއްކެކެވެ.
ކިޔުންތެރިންގެ ހިޔާލު