އިންޑިޔާގެ ޕަހަލްގަމް އަވަށަށް ނިރުބަވެރި ޖަމާޢަތަކުން ދިން އަނިޔާވެރި ޙަމަލާގައި ޝަހީދުވި ފަރާތްތަކުގެ ޢާއިލާތަކަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަޢުޒިޔާ ފާޅުކުރައްވައިފިއެވެ.
އިޖްތިމާޢީ ވިއުގަތަކުގައި ޙިއްސާކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައިވަނީ، ޕަހަލްގަމް އަވަށަށް އަމާޒުކޮށް ދެވުނު ނިރުބަވެރި ޙަމަލާގައި ގިނަ ބަޔަކު ޝަހީދުވެ، އަނެއްބައި މީހުން ޒަޚަމްވި ޚަބަރު ލިބިވަޑައިގަތީ ވަރަށް ބޮޑު ހިތާމައަކާއި ކުއްލި ސިހުމަކާއެކުގައި ކަމަށެވެ. އަދި ދިވެހި ދައުލަތުން އަބަދުވެސް ދެމިހުންނާނީ ނިރުބަވެރިކަމާއި އެފަދަ އެންމެހައި ޢަމަލުތަކާ ދެކޮޅަށް ކަމަށް ރައީސް އިތުރަށް ވިދާޅުވެފައިވެއެވެ.
Deeply saddened and shocked by the horrific terror attack in Pahalgam, which has claimed innocent lives and left many injured. The Government of Maldives remains steadfast in its commitment to combating terrorism in all its forms and manifestations. Our thoughts are with the…
Advertisement— Dr Mohamed Muizzu (@MMuizzu) April 23, 2025
ރައީސުލްޖުމްހޫރިއްޔާ ވަނީ ޕަހަލްގަމުގައި ހިންގުނު މި ޙަމަލާގައި ޝަހީދުވި ފަރާތްތަކުގެ ޢާއިލާތަކަށް އަދި އިންޑިޔާ ސަރުކާރަށް ފުން ހަމްދަރުދީ ފާޅުކުރައްވާފައެވެ.
ޕަހަލްގަމްއަށް ނިރުބަވެރި ޖަމާޢަތަކުން ޙަމަލާދީފައިވަނީ މިދިޔަ އަންގާރަ ދުވަހުއެވެ. ރިޕޯޓުތަކުގައި ފާހަގަކޮށްފައިވާ ގޮތުގައި މި ޙަމަލާގައި ޕަހަލްގަމްއަށް ޒިޔާރަތްކުރި 28 ފަތުރުވެރިއަކު ޝަހީދުކޮށްލާފައިވާއިރު، 20 މީހަކު ވަނީ ޒަޚަމްކޮށްލާފައެވެ.
މި ޙަމަލާގެ ޒިންމާ ޕާކިސްތާނުގެ ނިރުބަވެރި ޖަމާޢަތެއްކަމަށްވާ ދި ރެސިސްޓެންސް ފްރޮންޓުން ވަނީ ނަގާފައެވެ. އިންޑިޔާގެ ޤައުމީ ސަލާމަތީ ބާރުތަކުން ދަނީ މި ޙަމަލާގެ ފަހަތުގައިވާ ފަރާތްތައް ހޯދުމުގެ މަސައްކަތް ކުރަމުންނެވެ.”
ކިޔުންތެރިންގެ ހިޔާލު