މޯލްޑިވްސް ކަރެކްޝަނަލް ސަރވިސް އާއި މޯލްޑިވްސް ރެޑްކްރެސެންޓާ ދެމެދު ތަމްރީން ޕްރޮގްރާމް ހިންގުމާ ބެހޭގޮތުން އެއްބަސްވުމެއްގައި ސޮއިކޮށްފިއެވެ.
އެ އެއްބަސްވުމުގައި ސޮއިކުރައްވާފައިވަނީ މިއަދު ކަރެންޝަންސްގެ އޮފީހުގައި ބޭއްވި ރަސްމިއްޔާތެއްގައެވެ.
މި އެއްބަސްވުމުގެ ދަށުން އެމްއާރްސީގެ ޤާބިލިއްޔަތުކަން ތަންދޭ މިންވަރަކުން، އެފަރާތުން ހިންގާ ޕްރޮގްރާމްތަކުގެ ތެރެއިން، އެމްސީއެސްއިން އެދޭ ޕްރޮގްރާމްތައް އެމްސީއެސްގެ އޮފިސަރުންނާއި މުވައްޒަފުން އަދި ޤައިދީންނަށް ކުރިއަށްގެންދިއުމަށް ވަނީ ހަމަޖެހިފައެވެ.
މި އެއްބަސްވުމުގެ ދަށުން ތަމްރީން ޕްރޮގްރާމްތައް ހިންގެން ފެށުމުން، އެމްސީއެސްގެ އޮފިސަރުންނާއި މުވައްޒަފުންގެ ފަންނީ ޤާބިލުކަން އިތުރުވެގެންދާނެކަމަސް ކަރެކްޝަންސް އިން ފާހަގަކުރައްވައެވެ. އަދި މަސައްކަތުގެ ފެންވަރު ތަރައްޤީވުމުގެ އިތުރުން، ޤައިދީން އިޞްލާޙުކޮށް، މުޖުތަމަޢަށް ބޭނުންތެރި ބައެއްގެ ގޮތުގައި އަނބުރާ އަހުލުވެރިކުރުމަށް ކުރެވޭ މަސައްކަތްތަކަށް އިތުރު ކުރިއެރުމެއް ލިބިގެންދާނެކަމަށް އެ އިދާރާއިން ފާހަގަކުރައްވައެވެ.
ކިޔުންތެރިންގެ ހިޔާލު