ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ މަތިން ފައްޓަވާފައިވާ “އިޙްތިރާމް އަދާކުރުމުގެ ޤައުމީ މަޝްރޫޢު” ގެ މީޑިއާ ޕާޓްނަރުންގެ ގޮތުގައި ބައެއް މީޑިއާތަކާއެކު މިއަދު މިނިސްޓްރީ އޮފް ދިވެހި ލެންގުއޭޖް، ކަލްޗާ އެންޑް ހެރިޓޭޖުން ވަނީ އެއްބަސްވުމުގައި ސޮއިކޮށްފައެވެ.
މި މަޝްރޫޢަކީ ދިވެހި މުޖުތަމަޢުގައި އެކަކު އަނެކަކަށް އިޙްތިރާމްކުރުމުގެ ރީތި އާދަ އަށަގަންނުވައި، ދިވެހިންގެ ތެރޭގައި އޮތް އަގުތައް އިއާދަކުރުމަށްޓަކައި 5 އަހަރު ދުވަހުގެ މުއްދަތަށް ކުރިއަށްގެންދާ ވަރަށް މުހިންމު ކެމްޕެއިނެކެވެ. މި މަޝްރޫޢުގެ ޝިޢާރަކީ “އިޙުތިރާމުގެ އުފާ – މުޖުތަމަޢުގެ ނަފާ” އެވެ
މީޑިއާގެ ދައުރު: މީޑިއާތަކުން މި ކެމްޕެއިނާ ގުޅޭ ޚާއްޞަ ޕްރޮގްރާމްތަކާއި، ވީޑިއޯ/އޯޑިއޯ ލަވަތަކާއި، އަދި ހޭލުންތެރިކުރުވުމުގެ އެކި މެސެޖުތައް ޓީވީ، ރޭޑިއޯ އަދި އޮންލައިން ޕްލެޓްފޯމްތަކުގައި ބްރޯޑްކާސްޓްކޮށް ޝާއިޢުކުރާނެއެވެ.
މަޝްރޫޢު ވިލަރެސްކުރުން: މި މަޝްރޫޢުގެ ކަންކަން ހަރުދަނާކޮށް ހިންގުމަށްޓަކައި ކަމާގުޅުންހުރި ވުޒާރާތަކާއި މުއައްސަސާތައް ހިމެނޭހެން 9 މެންބަރުންގެ ޚާއްޞަ ވިލަރެސް ކޮމިޓީއެއް ވެސް މިހާރު ވަނީ އެކުލަވާލާފައެވެ.
ކިޔުންތެރިންގެ ހިޔާލު