މާލެ، ބޮޑުތަކުރުފާނުމަގުގައި ގަވާއިދާ ހިލާފަށް ޕާކުކޮށްފައިވާ އުޅަނދު ޓޯކުރަން ފަށައިފި އެވެ.
ދިވެހި ފުލުހުންގެ ޚިދުމަުން ރޭ ބުނީ މި މަސައްކަތުގެ ތެރެއިން، ރެއިން ފެށިގެން މިހާތަނަށް ހަތަރު ފުރޮޅުލީ 9 އުޅަނދު ވަނީ ޓޯކޮށްފައިވާ ކަމަށެވެ.
ގަވާއިދާ ހިލާފަށް ޕާކުކޮށްފައިވާ އުޅަނދުތައް މަގުމަތިން ނެގުމަށް ފުލުހުން ކުރަމުންދާ މި މަސައްކަތް މިރޭވެސް ކުރިއަށް ގެންދިއުމަށް ވަނީ ހަމަޖެހިފައި ކަމަށް ވެސް ބުންޏެވެ.
އެހެންކަމުން، މަގުމަތީގައި ގަވާއިދާ ހިލާފަށް އުޅަނދު ޕާކުނުކުރުމަށާއި، އަދި އެގޮތަށް ޕާކުކޮށްފައިވާ އުޅަނދުތައް ނެގުމަށް އެންމެހައި ފަރާތްތަކަށް ދިވެހި ފުލުހުންގެ ޚިދުމަތުން ވަނީ އިލްތިމާސް ކޮށްފަ އެވެ.
އަދި މި މަސައްކަތުގައި އާންމު ރައްޔިތުންގެ ފަރާތުން ލިބެމުންދާ އެއްބާރުލުން ފާހަގަކޮށް، ފުލުހުން ވަނީ ޝުކުރު އަދާކޮށްފަ އެވެ.
މި ސަރުކާރުން ވަނީ ބޮޑުތަކުރުފާނުމަގު ތަރައްޤީ ކުރުމުގެ މަސައްކަތް ފަށައި ބޮޑު ސަރަޙައްދެއް ޒަމާނީ ފެންވަރަށް ތަރައްޤީކޮށްފަ އެވެ. މަގު ތަރައްޤީކޮށް ޕާކިން ޒޯންތައް ވެސް ދަނީ ތަރައްޤީ ކުރަމުންނެވެ.
އެހެން ތަންތަނުގައި ޕާކުކުރުމަކީ މަނާ ކަމެއް ކަމަށް ހަމަޖެއްސި ނަމަވެސް ޤަވާއިދާ ޚިލާފަށް ޕާކުކުރުމުގެ މައްސަލަ އަކީ ބޮޑު މައްސަލަ އެކެވެ. އެކަމުގެ ސަބަބުން މަގު ބޭނުންކުރާ މީހުންނަށް ވަރަށް ބޮޑަށް ދަތިތަކާ ކުރިމަތިލާން ޖެހިފައިވެ އެވެ.
ކިޔުންތެރިންގެ ހިޔާލު