ޅ. ނައިފަރުން ގެއްލިގެން ހޯދަމުންދިޔަ އުމުރުން ސަތާރަ އަހަރުގެ މުޙައްމަދު އަޙްޔާން ޙުސައިން އެ ރަށު ގެއެއްގެ ތެރެއިން މިރޭ ސަލާމަތުން ފެނިއްޖެއެވެ.
ފުލުހުން ބުނި ގޮތުގައި އަޙްޔާން ވީނުވީއެއް ނޭނގި ގެއްލިގެން ނައިފަރު ފުލުހުންގެ އިދާރާއަށް ރިޕޯޓުކޮށްފައިވަނީ އިއްޔެ ހަވީރު ފަހެއްޖެހިބައި ހާއިރުއެވެ. އޭނާ އެންމެ ފަހުން ފެނިފައިވަނީ އާދީއްތަ ދުވަހު ކަމަށް އާއިލާއިން މައުލޫމާތު ދީފައިވެއެވެ.
އާދީއްތަ ދުވަހަށް ފަހު އަޙްޔާންގެ ޚަބަރެއް ނުވެ، ފޯނަށް ޖަވާބު ނުދޭތީ އާއިލާއިން އޭނާ ހޯދުމަށް ގިނަ މަސައްކަތްތަކެއް ކުރިއެވެ. ނަމަވެސް އާއިލާއަށް ކުރެވުނު މަސައްކަތުން އޭނާ ފެންނަ ގޮތް ނުވުމުން މައްސަލަ ފުލުހުންނަށް ހުށަހެޅީއެވެ.
ފުލުހުން މިރޭ ކަށަވަރުކޮށްދިން ގޮތުގައި އަޙްޔާން ފެނުނީ ނައިފަރުގެ ގެއެއްގެ ތެރޭގައި ހުއްޓައެވެ. އަދި އޭނާގެ ހާލު ރަނގަޅު ކަމަށްވެސް ފުލުހުން މައުލޫމާތު ދީފައިވެއެވެ.
ކިޔުންތެރިންގެ ހިޔާލު