ފަހި ދިރިއުޅުން ކޯޕަރޭޝަން (އެފްޑީސީ) ގެ އައު ޑެޕިއުޓީ މެނޭޖިންގ ޑިރެކްޓަރުގެ މަގާމަށް ހަސަން ފައިހަތު ގުދުރަތުﷲ ހަމަޖައްސައި، އެ ކުންފުނިން އޭނާއަށް މަރުހަބާ ކިޔައިފިއެވެ.
ފައިހަތު މީގެ ކުރިން ހުންނެވީ ގދ. އަތޮޅު ކައުންސިލުގެ ރައީސްގެ މަގާމުގައެވެ.
އެފްޑީސީން ބުނީ، އައު ޑެޕިއުޓީ މެނޭޖިންގ ޑިރެކްޓަރުގެ ލީޑަރޝިޕްގެ ދަށުން ކުރިއަށް އޮތް ތަނުގައި ކުންފުންޏަށް އިތުރު ކާމިޔާބީތަކާއި ދެމެހެއްޓެނިވި ކުރިއެރުންތައް ލިބިގެންދާނެ ކަމަށް އުންމީދުކުރާ ކަމަށެވެ.
ޙަސަން ފައިހަތު (ފައިހަތު) އަކީ ޤާބިލު ޒުވާނެކެވެ. އޭނާއަކީ ތިނަދޫ ސްޓޭޑިއަމްއަށް އަގުހުރި ޚިދުމަތްތަކެއް ކުރައްވާފައިވާ ކުޅިވަރަށް ޚާއްޞަ އިންކަމެއް ދެއްވާ ހަރުދަނާ ޒުވާނެކެވެ. އެތްލެޓިކްސްގެ ދާއިރާއިން ރާއްޖެއަށް ރީތި ނަން ހޯދައިދީ ތިނަދޫއަށް އެތްލެޓިކްސް ތަޢާރަފް ކޮށްދިން ޓީމްގެ އިސް މެމްބަރެކެވެ. އަދި ޒުވާނުންނާ ގުޅިގެން އިޖްތިމާޢީ އަދި ކުޅިވަރުގެ ދާއިރާއިން އެތައް ހަރަކާތްތައް އޭނާ ވަނީ ކުރިއަށް ގެންގޮސްފައެވެ. ތިނަދޫއަށް މާލެ އޮޕްޓިކަލްގެ ޚިދުމަތް ދިނުމާއި އޭވިޝަން ދާއިރާއިންގިނަ ޚިދުމަތް ތައް ވަނީ އޭނާ ފޯރުކޮށްދީފައެވެ.
ކިޔުންތެރިންގެ ހިޔާލު