ބްރެޒިލްގެ މަޝްހޫރު ފުޓްބޯޅަ ލެޖެންޑު ރޮބާޓޯ ކާލޯސް އިސްލާމްދީން ޤަބޫލުކޮށްފިއެވެ. މިކަން ހާމަކޮށްފައިވަނީ ތުރުކީވިލާތުގެ މީޑިއާ ރިޕޯޓުތަކުންނެވެ.
ތުރުކީވިލާތުގެ ވަރަށް ގިނަ މީޑިއާތަކުން ރިޕޯޓުކޮށްފައިވާގޮތުގައި މިހާރު އުމުރުން 53 އަހަރުގެ ރޮބާޓޯ ކާލޯސް އިސްލާމް ދީން ޤަބޫލުކޮށްފައިވަނީ ހަތަރުވަރަކަށް ހަފްތާ ކުރިންނެވެ. އޭނާ ޝަހާދަތުގެ ދެކަލިމަ ކުޔުމަށްފަހު އިސްލާމްދީން ޤަބޫލުކޮށްފައިވާކަމަށް ރިޕޯޓުކޮށްފައިވެއެވެ. އިސްލާމްދީން އޭނާ ޤަބޫލުކުރީ ބްރެޒިލްގެ މުސްލިމް ކޮމިއުނިޓިގެ މަޝްހޫރު އިލްމުވެރިއެއް ކަމަށްވާ ޝެއިހް ޖިހާދު ހަމާދާއާ އެކު ބޭއްވި ބައްދަލުވުމެއްގައެވެ.
ރޮބާޓޯ ކާލޯސް އިސްލާމްދީން ޤަބޫލުކުރިކަމަށް މީޑިއާ ރިޕޯޓުތައް ބުނިނަމަވެސް ރަސްމީ ސިފައެއްގައި އޭނާ މިކަން ހާމަކޮށްފައެއް ނުވެއެވެ. ރެއާލް މެޑްރިޑާއި، ތުރުކީގެ ފެނަބާޗޭ އަށް ވެސް ކުޅެފަައިވާ ރޮބާޓޯ ކާލޯސް އިސްލާމްދީން ޤަބޫލުކޮށްފައިވާކަމަށް އެންމެ ބޮޑަށް ރިޕޯޓްކޮށްފައިވަނީ، އެ ގައުމުގެ ގާނޫނު ހަދާ މަޖިލީހުގެ މެންބަރު ޢަލީ ޝާހީންއެވެ. ރު ޝާހީން ވިދާޅުވީ، މީގެ ހަތަރު ވަރަކަށް ހަފްތާ ކުރިން ބްރެޒިލްގެ މުސްލިމް ކޮމިއުނިޓީއާއެކު، ގިނަ ވަގުތުތަކެއް ރޮބާޓޯ ކާލޯސް ހޭދަކޮށްފައިވާ ކަމަށެވެ.
ރޮބާޓޯ ކާލޯސް ވަނީ ދާދި ފަހުން މޮރޮކޯގެ މޮޑެލެއްކަމަށްވާ ސުހެއިލާ އަލް ތަހީރީއާ ކައިވެނިކޮށްފައެވެ. ސުހައިލާއަކީ ފީފާގެ ލައިސަންސް އޮތް ފުޓްބޯޅަ އެޖެންޓެކެވެ.
ކިޔުންތެރިންގެ ހިޔާލު