ހުރިހާ މުދައްރިސުންވެސް ކޮންމެ ކުއްޖަކަަށްވެސް ތަފާތުކުރުމެއް ނެތި އުނގަންނައިދިނުމަށް ތައްޔާރުވެފައި ތިބެންޖެހޭކަމަށް ތަޢުލީމީ ވަޒީރު ޑރ. އިސްމާޢީލް ޝަފީޢު ވިދާޅުވެއްޖެއެވެ.
ސްކޫލުތަކުގައި މަސައްކަތްކުރާ ހުރިހާ ޓީޗަރުންނާއި ލީޑިންގ ޓީޗަރުންނާއި ޕްރިންސިޕަލުން އިންކުލޫސިވް ޕެޑަގޮޖީއަށް އަހުލުވެރިކުރުމަށް ކުރިއަށްގެންދާ “އެޑިޔުކޭޓަރ ޕްރޮފެޝަނަލް ޑިވެލޮޕްމަންޓް ޕްރޮގްރާމް ފޯ އިކުއުޓީ އެންޑް އިންކްލޫޝަން” އިފްތިތާހުކުރުމަށް ބޭއްވި ރަސްމިއްޔާތުގައި ވަޒީރު ވިދާޅުވީ، އެންމެ ބޮޑު އިސްކަމެއްދެވޭ އެއްކަމަކީ މުދައްރިސުން ތަމްރީންކުރުންކަމަށެވެ. މުދައްރިސުން ތަމްރީންކުރުމަށް ކުރިއަށްގެންދާ ޤައުމީ ޕްރޮގްރާމްގެ ތެރެއިން އެތައް ސަތޭކަ ދަރިވަރުންނެއް މިހަރުވެސް ކިޔަވަމުންދާކަމަށާއި އޭގެ ތެރޭގައި ސެން ޓީޗަރުންވެސް ހިމެނޭކަމަށެވެ.
މި މަސައްކަތް 2024ވަނަ އަހަރު ފެށިއިރު ނުކުޅެދުންތެރިކަން ހުންނަ ދަރިވަރުންނަށް ކިޔަވައިދޭ މުދައްރިސިުން މަދުކަން ފާހަގަކުރެވުނަކަން ފާހަގަކުރައްވާ ވަޒީރު ވިދާޅުވީ އޭގެ ތެރެއިންވެސް އަތޮޅުތަކުގެ ސްކޫލްތަކުގެ އެފަދަ މުދައްރިސުން މަދުކަމަށެވެ. އެހެންކަމުން މިއަދު އިފްތިތާހްކުރި އޮންލައިން ޕްލެޓްފޯމާއާއެކު ކޮންމެ މުދައްރިސަކު ކޮންމެ ތަނެއްގައިވެސް ހުރެގެންވެސް އިންކުލޫސިވް އެޑިއުކޭޝަންއަށް އަހުލުވެރިވެވޭނެކަމަށް ވަޒީރު ވިދާޅުވިއެވެ.
އިންކުލޫސިވް އެޑިއުކޭޝަންއަށް އަހުލުވެރިވުމަކީ ސެން ޓީޗަރުންނަށް އެކަނި އޮތްކަމެއް ނޫންކަމަށް ވަޒީރު ވިދާޅުވިއެވެ. އޭގެބަދަލުގައި ހުރިހާ މުދައްރިސުންވެސް ކޮންމެ ކުއްޖަކަަށްވެސް ތަފާތުކުރުމެއް ނެތި އުނގަންނައިދިނުމަށް ތައްޔާރުވެފައި ތިބެންޖެހޭކަމަށް ވަޒީރު ވިދާޅުވިއެވެ.
އެޑިޔުކޭޓަރ ޕްރޮފެޝަނަލް ޑިވެލޮޕްމަންޓް ޕްރޮގްރާމް ފޯ އިކުއުޓީ އެންޑް އިންކްލޫޝަންގައި އީ ލަރނިން 7 މޮޑިއުލްއެއް ފަރުމާކޮށްފައިވެއެވެ. މި މޮޑިއުލް މިހާރު ވަނީ އެދުރު ޕޯޓަލް މެދުވެރިކޮށް ސުކޫލްތަކަށް ހުޅުވާލާފައެވެ.
މި ޕްރޮޖެކްޓްގައި ހިމެނޭ މޮޑިއުލްތައް
- ޔުނިވަރސަލް ޑިޒައިން ފޯ ލާރނިން
- ޑިފެރެންޝިއޭޓިޑް އިންސްޓްރަކްޝަންސް
- އެސިސްޓިވް ޓެކްނޮލަޖީ
- ޓީޗިންގ ސްޓްރެޓެޖީސް ފޯ އޯޓިޒަމް ސްޕެކްޓްރަމް ޑިސްއޯޑަރ
- މެނޭޖިންގ ޗެލެންޖިން ބިހޭވިއަރ ފޯ ސްޓޫޑެންޓްސް ވިތް އޭ.ޑީ.އެޗް.ޑީ އެންޑް އޭ.އެސް.ޑީ
- އާރލީ އައިޑެންޓިފިކޭޝަން އެންޑް އިންޓަރވެންޝަން
- ޑިޒައިން ތިންކިންގ
ކިޔުންތެރިންގެ ހިޔާލު