ސްޓެލްކޯގެ ދަށަށް ބަދަލުކުރި އިތުރު ރަށްރަށުގެ ކަރަންޓު ޚިދުމަތުގެ ފެންވަރު ސްޓެލްކޯގެ މިންގަނޑުތަކަށް ފެއްތުމުގެ މަސައްކަތް ފަށައިފިއެވެ. ސަރުކާރު ކުންފުނިތަކުގެ ހިންގުމުގެ ސިޔާސަތަށް ގެނައި ބަދަލުތަކާއެކު ސަރުކާރުންވަނީ، ފެނަކައިގެ ދަށުން ޚިދުމަތް ދޭ ބ.އަތޮޅާއި، މ.އަތޮޅާއި، ޅ.އަތޮޅުގެ ޔޫޓިލިޓީގެ ޚިދުމަތްތައް ސްޓެލްކޯގެ ބެލުމުގެ ދަށަށް ބަދަލުކޮށްފައެވެ.
މިކަމާ ގުޅޭގޮތުން ސްޓެލްކޯގެ މެނޭޖިންގ ޑިރެކްޓަރ ޑރ. ޢަލީ އަޒުވަރު ވިދާޅުވީ، ސްޓެލްކޯގެ ބެލުމުގެ ދަށުގައި ހުރި ރަށްރަށުގެ ކަރަންޓުގެ ފެންވަރު މަތިކުރުމަށް ކޮންމެ އަހަރަކުވެސް ބަޖެޓުކުރެވިގެން މުހިއްމު މަސައްކަތްތަކެއް ކުރާކަމަށެވެ. އެހެންކަމުން އަލަށް ސަރުކާރުން އެކުންފުންޏާއި ހަވާލުކޮށްފައިވާ އަތޮޅުތަކުގެ ރަށްރަށުގެ ޚިދުމަތްތައްވެސް ހަރުދަނާކުރުމުގެ މަސައްކަތް ކުރަމުންދާކަމަށް އެކުންފުނީގެ މެނޭޖިންގ ޑިރެކްޓަރ ވިދާޅުވިއެވެ.
ކޮންމެ އަހަރަކުވެސް ބަޖެޓު ކުރެވޭއިރު އެރަށަކާއި ގުޅެގޮތުން ބަޖެޓު ކުރެވިގެން މިކުރިއަށްދަނީ. ފަހުން ހަވާލުކުރި މި ތިން އަތޮޅުގެ ކަންކަން އިތުރު ސަޕްލިމެންޓްރީ ބަޖެޓެއްގެ ތެރެއިން އެބަކުރަން.
Advertisement
ސްތެލްކޯގެ މެނޭޖިންގ ޑިރެކްޓަރ ވިދާޅުވިއެވެ.
އަލަށް ހަވާލުކުރި 3 އަތޮޅުގެ ރަށްތަކާއެކު މިހާރު އެކުންފުނިން ދަނީ، ރާއްޖޭގެ މީހުން ދިރިއުޅޭ 61 ރަށުގެ ޔޫޓިލިޓީގެ ޚިދުމަތް ދެމުންނެވެ. ކަރަންޓު ފޯރުކޮށްދިނުމުގެ ޚިދުމަތް ފުޅާކުރުމަށް ރަށްރަށުގައި މުހިއްމު ގިނަ މަސައްކަތްތަކެއް މިހާރުވެސް އެކުންފުނިން ދަނީ ކުރަމުންނެވެ. އެގޮތުން ކުރީގެ އިންޖީނުގެތައް މީހުން ދިރިނޫޅޭ ސަރަޙައްދުތަކަށް ބަދަލުކުރުމާއި، އިންޖީނުގެތައް އާބާތުރަފިލުވުމާއި، ތެޔޮ ހޮޅިތައް އެޅުމާއި، ޓޭންކު ބެހެއްޓުމުގެ ބޮޑެތި މަސައްކަތްތައް ކުންފުނީގެ ބަޖެޓުން ދަނީ ކުރަމުންނެވެ.
ކިޔުންތެރިންގެ ހިޔާލު