ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާއި އެމަނިކުފާނުގެ އަނބިކަނބަލުން، ފަސްޓް ލޭޑީ ސާޖިދާ މުޙައްމަދު ރަސްމީ ދަތުރުފުޅެއްގައި މިއަދު އއ. އުކުޅަހަށް ވަޑައިގެންފިއެވެ.
ރައީސުލްޖުމްހޫރިއްޔާގެ ދެކަނބަލުން އުކުޅަހަށް ވަޑައިގަތުމުން، އެރަށުން ވަނީ ހޫނު މަރުޙަބާއެއް ދަންނަވައިފައެވެ.
މި ދަތުރުފުޅަކީ ސިޑްސް ސުޕްރީމް އޮޑިޓް އިންސްޓިޓިއުޝަންސް (އެސް.އޭ.އައި) ސިމްޕޯސިއަމް ނިންމުމާއި، އައި.ޑީ.އައި ގްލޯބަލް ސަމިޓް ހުޅުވުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާގެ ދެކަނބަލުން ކުރައްވާ ދަތުރުފުޅެކެވެ.
މިއަދު ހެނދުނު ރައީސުލްޖުމްހޫރިއްޔާގެ ދެކަނބަލުން އުކުޅަހަށް ވަޑައިގަތުމުން ރަތްދޫލައިގެ މަރުޙަބާއެއް ވަނީ ދަންނަވާފައިވެއެވެ. މިގޮތުން އެރަށުގެ ގިނަ އަދަދެއްގެ ރައްޔިތުން ރައީސުލްޖުމްހޫރިއްޔާގެ ދެކަނބަލުންނަށް މަރުޙަބާ ދެންނެވުމަށްޓަކައި ބަނދަރު ސަރަޙައްދަށް ޖަމާވެފައިވެއެވެ.
ރައީސުލްޖުމްހޫރިއްޔާގެ ދެކަނބަލުންގެ މި ދަތުރުފުޅުގައި ވަޒީރުންނާއި، ރައްޔިތުންގެ މަޖިލީހުގެ މެންބަރުން އަދި ސަރުކާރުގެ އިސްވެރިން ބައިވެރިވަޑައިގަންނަވައެވެ.
މި ދަތުރުފުޅުގައި، އެސް.އޭއައި ސިމްޕޯސިއަމް ނިންމުމާއި، އައި.ޑީއައި ގްލޯބަލް ސަމިޓް ހުޅުވުމުގެ ރަސްމިއްޔާތުގައި ބައިވެރިވެވަޑައިގެންނެވުމުގެ އިތުރުން ސަރުކާރުން އުކުޅަހުގައި ކުރިއަށްގެންދާ ތަރައްޤީގެ މަޝްރޫޢުތަކާ ގުޅޭ އެންމެ ފަހުގެ އަދާހަމަ އެމަނިކުފާނު ބައްލަވާލައްވައި، ބައެއް މަޝްރޫޢުތަކުގެ އަމަލީ މަސައްކަތް ފައްޓަވައިދެއްވާނެއެވެ.
ކިޔުންތެރިންގެ ހިޔާލު