ސަރަހައްދީ ތަރައްޤީގެ މަސައްކަތްތައް ތަންފީޒުވެ ނިމުމުން މާލޭގެ ކާރުބާރު ބޮޑުކަމަށް ލުއި ލިބޭނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ޕޮޑްކާސްޓް ސިލްސިލާގެ 4 ވަނަ އެޕިސޯޑުގައި ވާހަކަފުޅު ދައްކަވަމުން ރައީސް ވިދާޅުވީ، މާލެއަށް ދިމާވެފައިވާ މައްސަލަތަކުގައި ބަލަން ޖެހެނީ މާލެއަށް މީހުން ތޮށްޖެހެން ޖެހޭ ސަބަބަށް ކަމަށާއި، މިކަމަކީ ސަރުކާރުތަކުން ރާއްޖޭގެ ތަރައްޤީ ބައްޓަން ކުރި ގޮތުން ދިމާވި މައްސަލައެއް ކަމަށެވެ. މިކަން ހައްލު ކުރުމަށް ރާއްޖެ 7 ސަރަހައްދަކަށް ބަހާލައިގެން އާބަން ސެންޓަރުތައް ތަރައްޤީ ކުރަމުންދާ ކަމަށް އެމަނިކުފާނު ވިދާޅުވިއެވެ.
އުތުރުގެ ތަރައްޤީގެ އިންޓަގްރޭޓެޑް ޒޯނެއްގެ މަސައްކަތް މިކުރަނީ. ދެކުނުގައި އެންމެ މަތީ ފެންވަރުގެ ހޮސްޕިޓަލުތަކާއި މިހެން ހުރި ވަޒީފާގެ ފުރުސަތުތަކާއި ހުރިހާ ކަމެއް ހިމެނޭހެން، ހުރިހާ ޚިދުމަތެއް ޤާއިމްކޮށް 7 އަރބަން ސެންޓަރެއް ކަނޑައަޅާ އެ ފެންވަރުގައި ހުރިހާ ޚިދުމަތެއް ޤާއިމްކުރުމުގެ ބޮޑު ޕްރޮޖެކްޓެއް ނޫންތޯ އަޅުގަނޑުމެން ފަށައިގެން މިއުޅެނީ.
Advertisement
ރައީސުލްޖުމްހޫރިއްޔާ ވިދާޅުވިއެވެ.
ސަރުކާރުން ސަރަހައްދީ ތަރައްޤީގެ މަސައްކަތް ކުރިނަމަވެސް މާލެ ސަރަހައްދުގައި އަޅާނުލެވި ދޫކޮށްފައިހުރި މައްސަލަތައް ހައްލުކުރުމުގެ މަސައްކަތްވެސް އެކުގައި ކުރަމުންދާކަން އެމަނިކުފާނު ފާހަގަކުރެއްވިއެވެ. އަދި މާލެ ރައްޔިތުންނަށް ފަސޭހަވާނެހެން ވަސީލަތްތައް ޤާއިމް ކުރުމުގެ މަސައްކަތް ކުރަމުންދާ ކަމަށް އެމަނިކުފާނު ވިދާޅުވިއެވެ.
މިމަސައްކަތުގެ ތެރެއިން މާލޭގެ ޕާކިން މައްސަލަ ހައްލުކުރުމަށް ޕާކިން ބިލްޑިންގ އިމާރާތް ކުރުމުގެ މަސައްކަތް ކުރަމުންދާ ކަމަށާއި، މިއަހަރު ތެރޭގައި 2 އިމާރާތެއްގެ މަސައްކަތް ފެށޭނެ ކަމަށް ރައީސް ވިދާޅުވިއެވެ.
އެހެންވީމަ މާލޭގައި ޕާކިންގ ދެ ބިލްޑިން މަސައްކަތް ހުޅުމާލޭގައި 2-3-4 ބިލްޑިންގގެ މަސައްކަތް ފަަށައިފި އެހެންވީމަ މިމަޝްރޫޢުތަކުގެ ތެރެއިން އިރާދަކުރެއްވިއްޔާ ޕާކިންއަށް ހައްލުތަކެއް އައިސް ހަނި ގޯޅިތަކުގައި ހުންނަ މައްސަލަތަކަށްވެސް ވަގުތީ ހައްލެއް އަންނާނެ.
ރައީސުލްޖުމްހޫރިއްޔާ ވިދާޅުވިއެވެ.
ސަރުކާރުން މަސައްކަތް ކުރަނީ މާލެއަށް ދިމާވެފައިވާ މައްސަލަތައް ހައްލުކުރުމުގައި ވަށާޖެހޭ ހައްލެއް ގެނައުމަށް ކަމަށްވެސް ރައީސް ވަނީ ވިދާޅުވެފައެވެ.
ކިޔުންތެރިންގެ ހިޔާލު