އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ ދާއިރާތަކާއި ސްޓިއަރިން ކޮމިޓީތަކުގެ އިންތިޚާބުގެ އޮފިޝަލުންނާ ޕާޓީގެ ލީޑަރުން ބައްދަލުކުރައްވައި، އިންތިޚާބުގެ ތައްޔާރީތައް ކުރިއަށްދާ ގޮތް އޮޅުންފިލުއްވައިފިއެވެ.
މި އިންތިޚާބަކީ ޕާޓީގެ ސްޓިއަރިން ކޮމިޓީތަކުގެ ރައީސުންނާއި، ނައިބު ރައީސުންނާއި، އެކި މަޤާމުތަކުގެ އިތުރުން މެންބަރުން ހޮވުމަށް ބާއްވާ އިންތިޚާބެކެވެ. މީގެ އިތުރުން، ރައްޔިތުންގެ މަޖިލީހުގައި ޕީއެންސީގެ މެންބަރުން ނެތް ދާއިރާތަކަށް ދާއިރާ ރައީސުންނާއި، ޕާޓީގެ މެންބަރުން ތަމްސީލުކުރާ ދާއިރާތަކަށް ދާއިރާ ނައިބު ރައީސުން އިންތިޚާބުކުރުން ވެސް މި ވޯޓުގައި ކުރިއަށްދާނެއެވެ.
މި އިންތިޚާބުގެ ވޯޓުލުން 131 ރަށެއްގެ ދާއިރާގައި ކުރިއަށްގެންދިއުމަށް ވަނީ ހަމަޖެހިފައެވެ. އެއީ އިންތިޚާބުކުރަން ބޭނުންވާ އަދަދަށްވުރެ ގިނައިން މީހުން ކުރިމަތިލާފައިވާ ދާއިރާތަކެވެ. މި ބޮޑު އިންތިޚާބު ނިމިގެންދާއިރު ޕާޓީގެ އެކި ގޮފިތަކާއި ދާއިރާތަކުގެ 2,000 އަށްވުރެ ގިނަ މަޤާމަށް ބޭފުޅުން އިންތިޚާބުކުރެވިގެންދާނެއެވެ.
ކިޔުންތެރިންގެ ހިޔާލު