3-2އިން މެކްސިކޯ ބަލިކޮށް، ފީފާ ވަރލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލުން އިންގްލެންޑް ޖާގަ ހޯދައިފިއެވެ.
1986 ވަނަ އަހަރުގެ މުބާރާތުގެ ކްއާޓާ ފައިނަލްގައި އާޖެންޓީނާ އަތުން ބަލިވި، މެކްސިކޯ ސިޓީ ސްޓޭޑިއަމްގައި އިންގްލެންޑަށް ދެ ލަނޑުގެ ލީޑެއް ނަގައިދިނީ ފުރަތަމަ ހާފްގައެވެ. ދެ ލަނޑުވެސް ޖަހައިދިނީ މިޑްފީލްޑަރ ބެލިންގހަމްއެވެ. ރަތަމަ ގޯލް ބުކާޔޯ ސަކާ ނަގައިދިން ހުރަސް ބޮލުން ގޯލަށް ފޮނުވާލީ 36 ވަނަ މިނިޓްގައެވެ. 38 ވަނަ މިނިޓްގައި ދެވަނަ ގޯލް ޖެހީ ހެރީ ކޭން ތަނަވަސްކޮށްދިން ފުރުޞަތެއްގައެވެ. ބެލިންގހަމް ކޭންއަށް ބޯޅަ ދިނުމަށްފަހު އޭރިޔާ ތެރެއަށް ވަނުމުން، ދިން ހިއްގައިމު ބޯޅަ ގޯލަށް ފޮނުވާލީ ގޯލްއޭރިޔާ ރޮނގުމަތިންނެވެ. އޭގެ ތިން މިނިޓް ފަހުން ހޫލިއަން ކިއުނޮނެންސް އޭރިޔާ ތެރޭގައި ހުރެ ގޯލުގެ މަތީ ދާގަނޑުގައި ތައްކޮށްލި ބޯޅައިން ފަރަގު ކުޑަކުރިއެވެ. އެއީ ހިލޭ ޖެހުމަކުން އޭރިޔާ ތެރެއަށް ހުރަސްކުރި ބޯޅައަކުން ތަނަވަސްކުރި ފުރުޞަތެކެވެ. މިއީ ކިއުނޮނެންސް މުބާރާތުގައި ޖެހި 4 ވަނަ ލަނޑެވެ.
މެޗުގެ ދެވަނަ ހާފްގައި އިންގްލޭންޑުގެ ކުޅުންތެރިއަކަށް ވަނީ ރަތްކާޑު ދައްކާފައެވެ. ކްއަންސާ މެކްސިކޯގެ ގަލާޑޯއަށް ކުރި ފައުލަކަށް ވީއޭއާރުން ބެލުމަށްފަހު ވަނީ ރަތްކާޑު ދައްކާ ފދަނޑުން ފޮނުވާލާފައެވެ. ތިންވަނަ ލަނޑެއް ޖެހީ މެކްސިކޯ ކީޕަރު އެންތަނީ ގޯޑަން އަށް ކުރި ފައުލަކަށް ދިން ޕެނަލްޓީ އަކުންނެވެ. ލަނޑު ޖެހީ ހެރީ ކޭން އެވެ. މިއީ ކޭން މުބާރާތުގައި ޖެހި 6 ވަނަ ގޯލެވެ. މެޗު ނިމުމުގެ ކުރިން މެކްސިކޯއިން އަލުން ފަރަގު ކުޑަކުރީވެސް ޕެނަލްޓީއަކުންނެވެ. އެއީ ކޭން ގުޓިއެރޭޒް އަށް ކުރި ފައުލަކަށް ވީއޭއާރުން ބެލުމަށްފަހު ދިން ޕެނަލްޓީ އެކެވެ. ޕެނަލްޓީ ކާމިޔާބުކުރީ ރައުލް ހިމެނޭޒްއެވެ.
ކިޔުންތެރިންގެ ހިޔާލު