ދެވަނަ ހާފްގައި ލިބުނު ޕެނަލްޓީއަކުން ޕެރަގުއޭ ބަލިކޮށް، ފްރާންސުން ކުއާޓަރ ފައިނަލް ކަށަވަރުކށްފިއެވެ.
ފީފާ ވޯލްޑް ކަޕްގެ ގަދަ 16ގައި ރޭ ދެ ޓީމް ކުޅުނު މެޗުގައި ޕެރުގުއޭ ބަލިކުރުމަށް ފްރާންސަށް ފަސޭހައެއް ނުވިއެވެ. މެޗުގައި ފްރާންސް މޮޅުވީ 70 ވަނަ މިނިޓްގައި ކެޕްޓަން އެމްބާޕޭ ޖެހި ޕެނަލްޓީންނެވެ. ފްރާންސް މެޗު ކާމިޔާބުކުރީ 1-0 އިންނެވެ. މި މެޗުގައި ފްރާނސަށް ލިބުނީ މަދު ފުރުޞަތުތަކެކެވެ. ފްރާންސް މޮޅުވި ޕެނަލްޓީ ލިބުނީ ބަދަލަކަށް ނިކުއިން ޑޫއޭ އަށް، ޕެރަގުއޭ ޑިފެންޑަރ ޑިއެގޯ ގޮމޭޒް ކުރި ފައުލަކަށެވެ. ރެފްރީ ޕެނަލްޓީ ދިނީ ވީއޭއާރުން ބެލުމަށްފަހުއެވެ.
މިއީ މުބާރާތުގައި އެމްބާޕޭގެ ހަތްވަނަ ލަނޑެވެ. މިއަދަދަށް ދެން ލަނޑު ޖަހާފައިވަނީ އާޖެންޓީނާ ކެޕްޓަން މެސީއެވެ. އެމްބާޕޭ ވަނީ ލަނޑުގެ އިތުރަށް ދެ އެސިސްޓްވެސް ކޮށްފައެވެ. ވަރލްޑްކަޕްގައި ކުޅުނު 19 މެޗުން އެމްބާޕޭ ވަނީ 19 ލަނޑު ޖަހާފައެވެ. މިއަށްވުރެ އިތުރަށް ވަރލްޑްކަޕްގެ ތާރީޚުގައި ލަނޑު ޖަހާފައިވަނީ 20 ލަނޑު ޖަހާފައިވާ މެސީއެވެ.
ކުއާޓަރ ފައިނަލްގައި ފްރާންސް ވާދަކުރަން ޖެހޭނީ މޮރޮކޯއާއެވެ.
ކިޔުންތެރިންގެ ހިޔާލު