ސްވިޑެން 3-0 އިން ބަލިކޮށް، ފްރާންސް ގަދަ 16 ކަށަވަރުކޮށްފިއެވެ.
ކޯނަރެއްގައި ޑެމްބެލޭއަށް ބޯޅަ ޖައްސާލުމުން، އޭރިޔާ ތެރެއިން އެމްބާޕޭއަށް ޖައްސާލުމުން ހަމަޖެހިލާފަ ފޮނުވާލީ ކީޕަރުގެ ދުރުފަޅިއަށެވެ. ދެވަނަ ގޯލް ދެވަނަ ހާފް ފަށައިގެން އަށްވަނަ މިނިޓްގައި ޖެހީ ބާކޯލާއެވެ. އޭނާ އިތުބާރާއެކު ބޯޅަ ފޮނުވާލީ އޮލީސޭ ދިން ހިތްގައިމު ޕާހަކުންނެވެ. ތިންވަނަ ގޯލް އެމްބާޕޭ ޖެހީ 73 ވަނަ މިނިޓްގައެވެ. މިއީވެސް އޮލީސޭ ދިން މޮޅު ޕާހަކުން ކާމިޔާބުކުރި ލަނޑެކެވެ. މިއީ މުބާރާތުގައި އެމްބާޕޭގެ ހަވަނަ ގޯލެވެ.
މިއަދަދަށް މުބާރާތުގައި ދެން ގޯލް ޖަހާފައިވަނީ މެސީއެވެ. އަދި މިމެޗުގެ ދެ އެސިސްޓާއެކު އޮލީސޭ ވެފައިވަނީ 1994 ވަނަ އަހަރަށްފަހު އެއް މުބާރާތެއްގައި އެންމެ ގިނަ އެސިސްޓް ކުރި ކުޅުންތެރިޔާއަށެވެ. ހަތަރު މެޗުން އޮލީސޭ ވަނީ 5 އެސިސްޓްކޮށްފައެވެ.
މެޗުގައި ސްވިޑެން އަށްވެސް ރަނގަޅު ދެތިން ފުރުޞަތެއް ލިބުނެވެ. 27 ވަނަ މިނިޓްގައި އިސާކް ފޮނުވާލި ބޯޅަ މަތަކުރީ ކީޕަރެވެ. 35 ވަނަ މިނިޓްގައި އެލަންގާ ނަގައިދިން ހުރަސް އިސާކްއަށް ފައި ޖައްސާ ނުލެވުމުން ގޯލަކަށް ބަދަލުކޮށް ނުލެވުނެވެ. ފުރަތަމަ ހާފްގެ އިތުރު ވަގުތުގައި ފޮނުވާލި ބޯޅަ ދިޔައީ އަރިމަތިން ބޭރަށެވެ. މެޗު ނިމެން ދެ މިނިޓަށް ވެފައި ވަނިކޮށްވެސް ސްވިޑެން އަށް ލަނޑެއް ޖަހަން ރަނގަޅު ފުރުޞަތެއް ލިބުނެވެ. އެކަމަކު ޔޯކެރޭޝް ފޮނުވާލި ބޯޅަ ފްރާންސް ކީޕަރު މަތަކުރީއެވެ.
ފްރާންސުން ޖެހި ތިން ގޯލާއެކު މުބާރާތުގައި އެމީހުން ވަނީ 13 ގޯލް ޖަހާފައެވެ.
ކިޔުންތެރިންގެ ހިޔާލު