ވޯލްޑް ކަޕް ފުޓްބޯޅަ މުބާރާތުގައި ޕެނަލްޓީ ޝޫޓްއައުޓްގައި ނެދަލޭންޑްސް ކަޓުވާލުމަށްފަހު މޮރޮކޯއިން ގަދަ 16އަށް ދަތުރުކޮށްފިއެވެ.
މެޗުގެ ފުރިހަމަ ވަގުތުހަމަވެ އިތުރަށް ކުޅުނު 30 މެނެޓު ނިމުނުއިރުވެސް ދެޓީމު 1-1އިން އެއވަރުވިއިރު، ޕެނަލްޓީ ޝޫޓްއައުޓްގައި މޮރޮކޯ މޮޅުވީ 3-2 އިންނެވެ. މި މެޗުގައި ދެޓީމުގެ ފަރާތުންވެސް ފެނުނީ ފިޒިކަލް ކުޅުމެކެވެ. ނެދަލެންޑްސް ކުރީގައި އޮވެ މެޗު ނިމެން ދަނިކޮށް، މޮރޮކޯއިން ނަތީޖާ ހަމަހަމަކުރީވެސް އިތުރު ވަގުތުގައެވެ. މެޗުގައި ނެދަލެންޑްސް އިން ލީޑް ނެގީ 72 ވަނަ މިނިޓްގައި ކޯޑީ ގަކްޕޯ ޖެހި ލަނޑުންނެވެ. އިތުރު ވަގުތުގެ ފުރަތަމަ މިނިޓްގައި ތަލްބީ ތަނަަވަސްކޮށްދިން ފުރުޞަތުގައި ޑިއޮފް ލަނޑު ޖަހާ މެޗުގެ ނަތީޖާ ހަމަހަމަކޮށްދިނެވެ. މިއާއެކު 15 މިނިޓްގެ ދެހާފުންވެސް ނަތީޖާއަށް އިތުރު ބަދަލެއް ނައުމުން ޕެނަލްޓީ ޖެހީއެވެ. ޕެނަލްޓީގައި ނެދަލޭންޑްގެމައްޗަށް މޮރޮކޯއިން ކުރި ހޯދީ 3-2 ނެވެ.
ނެދަލެންޑްސްގެ ފުރަތަމަ ޕެނަލްޓީ ކޫޕްމެއިނާސްގެ ޕެނަލްޓީ ކާމިޔާބުކުރި އިރު، މޮރޮކޯގެ ނެއިލް އަލް އައިނޯއޯގެ ޕެނަލްޓީ ނާކާމިޔާބުވިއެވެ. އެކަމަކު ޕެނަލްޓީއަށް ޖަސްޓިން ކްލައިވެޓްގެ ޕެނަލްޓީ ނެދަލެންޑްސްއަށް ނާކާމިޔާބުވެ، ސުފިއާން ރަހީމީގެ ޕެނަލްޓީއާއެކު މޮރޮކޯއިން އެއްވަރުކުރިއެވެ. ތިންވަނަ ޕެނަލްޓީ ދެޓީމުންވެސް ކާމިޔާބުކުރިއެވެ. އަދި މޮރޮކޯގެ ހަކީމީ ޖެހި ހަތަރުވަނަ ޕެނަލްޓީ އާއި ނެދަލެންޑްސްގެ ޓިމްބަރ ޖެހި އެޓީމްގެ ހަތަރުވަނަ ޕެނަލްޓީވެސް ނާކާމިޔާބުވިއެވެ. ނެދަލެންޑްސްގެ ފަސްވަނަ ޕެނަލްޓީ ސަމާވިލް އަށް ކާމިޔާބުނުކުރެވި، މޮރޮކޯގެ އިސްމާއީލް ސައިބާރީގެ ޕެނަލްޓީ ކާމިޔާބުކޮށް މޮރޮކޯ ގަދަ 16 އަށް ދަތުރުކުރިއެވެ.
ގަދަ 16ގައި މޮރޮކޯ ވާދަކުރަންޖެހޭނީ މުބާރާތް ބައްވާ އެއް ޤައުމުކަމަށްވާ ކެނެޑާއާއެވެ.
ކިޔުންތެރިންގެ ހިޔާލު