މިހާރު ކުރިއަށްދާ ވޯލްޑް ކަޕް ފުޓްބޯޅަ މުބާރާތުގައި ގަދަ 32 ގައި މިރޭ ޖަޕާނާ ދެކޮޅަށް ނުކުންނަ މެޗަކީ ފައިނަލެއްގެ ގޮތުގައި ބްރެޒިލްގެ ކޯޗު ކާލޯ އަންޗެލޯޓީ ސިފަކޮށްފިއެވެ.
މެޗުގެ ކުރިން ނޫސްވެރިންނާ ވާހަކަ ދައްކަމުން ކޯޗު ބުނީ މިރޭގެ މެޗު އޭނާގެ ޓީމުން ނަގާނީ ފައިނަލެއްގެ ގޮތުގައިކަމަށެވެ. ޖަޕާން ޓީމަކީ މިހާޓަނަށް ފެނުނު އެންމެ ވަރުގަދަ ޓީމުގެ ގޮތުގައި ސިފަކުރަމުން ކޯޗު ބުނީ އޭނާ ޖަޕާންގެ ޓީމަށް އިޙްތިރާމް ކުރާކަމަށެވެ.
ކޯޗު ބުނީ މިރޭޣެ މަޗުގެ ސްކޮޑަށް މާބޮޑު ބަދަލުތަކެއް ނުގެންނާނެކަމަށާއި، ނަމަވެސް ދިމާވެދާނެ ކޮންމެ ޙަލަތަކަށްވެސް އެޓީމު އޮންނާނީ ތައްޔާރަށްކަމަށެވެ.
އަނިޔާގެ ސަބަބުން ފުރަތަމަ ދެމެޗު ނުކުޅެވުނު އެޓީމުގެ ޒުވާން ފޯވާޑު ނޭމާ އެންމެ ފަހު މެޗުގައި 15 މިނެޓަށް ވަނީ ކުޅެފައެވެ. އެ މެޗުގައި އޭނާއަށް އެންމެ ފުރިހަމައަށް ނުކުޅެނުވކަން ފާހަގަކުރަމުން ކޯޗު ބުނީ ނޭމާ މިހާރު ވަނީ އެންމެ ފުރިހަމައަށް ފިޓުވެފައިކަމަށެވެ. ވުމާއެކު މިރޭގެ މެޗުގައި އނާ އެއަށްވުރެ ގިނަ ވަގުތު ކުޅުމަކީ އެކަށީގެންވާކަމެއްކަމަށްވެސް ކޯޗު ބުންޏެވެ.
ކިޔުންތެރިންގެ ހިޔާލު