މަންމަ މަރުވުމާއި ގުޅިގެން ފްރާންގެ ޤައުމީ ޓީމުގެ ކޯޗު ޑިޑިއޭ ޑެޝޯން ގައުމީ ޓީމާ ވަކިވެ އެނބުރި ޤައުމަށް ހިނގައްޖެއެވެ. މިއާއެކު ވޯލްޑް ކަޕް ފުޓްބޯޅަ މުބާރާތުގެ ގްރޫޕް ސްޓޭޖުގެ ފަހު މެޗުގައި ހޮނިހިރު ދުވަހު ނޯވޭއާ ދެކޮޅަށް ފްރާންސް ކުޅޭ މެޗުގައި ޑިޑިއޭ ޑެޝޯން ނުހުންނާނެއެވެ. ހެޑު ކޯޗުގެ ބަދަލުގައި ހުންނާނީ އެސިސްޓެންޓް ކޯޗު ސްޓެފަންއެވެ.
ފްރާންސްގެ ފުޓްބޯޅަ ފެޑަރޭޝަނުން ބުނީ ޑެޝޯންއަށް މަންމަ މަރުވުމުގެ ޚަބަރު ލިބުމުން ޓްރޭނިން ކޭމްޕުގައި ހުންނެވި ފުޓްބޯޅަ ފެޑަރޭޝަނުގެ ރައީސް ފިލިޕް ޑިއާލޯއާ ބައްދަލު ކޮށްފައިވާކަމަށެވެ. މަންމަ އަށް އެންމެ ފަހުގެ އިހްތިރާމް އަދާކޮށް އާއިލާއާއެކު ހިތާމަ ފާޅު ކުރުމަށް ޑެޝޯން ފްރާންސަށް ދިއުމުގެ ހުއްދަ ދީފައިވާކަމަށެވެ.
ޑެޝޯން އަކީ 1998 ވަނަ އަހަރުގެ ވޯލްޑް ކަޕް ކާމިޔާބު ކުރި ފްރާންސް ޓީމުގެ ކެޕްޓަނެވެ.
2018 ވަނަ އަހަރު ފްރާންސް ދެ ވަނަ ފަހަރަށް ވޯލްޑް ކަޕް އުފުލާލީ އޭނާގެ ކޯޗުކަމުގަ އެވެ. އެންމެ ފަހުގެ މުބާރާތުގެ ފައިނަލް ކުޅުނީ ވެސް އޭނާގެ ކޯޗުކަމުގަ އެވެ. ގައުމީ ޓީމާ 2012 ވަނަ އަހަރު ހަވާލުވި ކޯޗު މި ފަހަރުގެ ވޯލްޑް ކަޕަށް ފަހު ވަޒީފާ ދޫކޮށްލާނެއެވެ.
ކިޔުންތެރިންގެ ހިޔާލު