ވޯލްޑްކަޕް ގްރޫޕް ކޭގެ ފުރަތަމަ މެޗުގައި ވަރުގަދަ ޕޯޗުގަލް، ޑިމޮކްރެޓިކް ރިޕަބްލިކް އޮފް ކޮންގޯއިން ހުއްޓުވައި އެއްވަރުކޮށްފިއެވެ.
1-1 އިން އެއްވަރުވި މެޗުގައި ޕޯޗުގަލްގެ ފަރާތުން އަދާޔާ ޚިލާފު ކުޅުމެއް ފެނިގެން ގޮސްފައެއް ނުވެއެވެ. އޭޣެބަދަލުގައި ފެނުނީ އާދައިގެ ކުޅުމެކެވެ. ހަވަނަ މިނިޓްގައި ލަނޑު ޖަހާ ޕޯޗްގަލްއިން ލީޑް ނެގުމުން ނަތީޖާ ތަފާތުވެދާނެ ކަމަށް ބެލެވުނު ނަމަވެސް ލީޑްގައި ގިނައިރު އޮންނަންވެސް ކޮންގޯއިން ފުރުސަތު ނަގައި ނަތީޖާ އެއްވަރުކުރީއެވެ.
މި މެޗުގައި ޕޯޗްގަލްއަށް ލީޑް ނަގައިދިނީ ޔޮއާއޯ ނެވޭސްއެވެ. ޕެޑްރޯ ނެޓޯ ހުރަސްކޮށްދިން ބޯޅަ ނެވޭސް ބޮލުން ފޮނުވާލީ ގޯލްގެ މަތީ ކަނަށެވެ. ނަމަވެސް ފުރަތަމަ ހާފްގެ ފަހު ސިކުންތުގައި ވިއްސާ ފުންމައިގެން އަރާ ބޮލުން ފޮނުވާލި ބާރު ބޯޅަ ގޯލަށް ވައްދާލައިގެން ކޮންގޯއިން ނަތީޖާ އެއްވަރުކުރިއެވެ. މަސުއާކޫ ހުރަސްކޮށްދިން ބޯޅަ ބޮލުން ފޮނުވާލުމުން ޕޯޗްގަލްގެ ކީޕަރު ޑިއޯގޯ ކޮސްޓާ އަތުން ޖެއްސޭތޯ ބެލިނަމަވެސް ކާމިޔާބެއް ނުވިއެވެ. މިއީ ވަރލްޑްކަޕްގެ ތާރީޚުގައިވެސް ކޮންގޯގެ ފުރަތަމަ ލަނޑެވެ. އަދި އެމީހުން ހޯދި ފުރަތަމަ ޕޮއިންޓެވެ.
މެޗުގެ ކުރިން އެންމެ ބޮޑު ސަމާލުކަމެއް ހުއްޓުބީ ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯއަށެވެ. އެކަމަކު މެޗުގައި މާބޮޑު އޭނާއަކަށް ނުކުރެވުނެވެ. މިއީ 41 އަހަރުގެ ރޮނަލްޑޯގެ 6 ވަނަ ވަރލްޑްކަޕެވެ. އަދި މިމެޗާއެކު ރޮނަލްޑޯ ވެފައިވަނީ ކީޕަރުން ފިޔަވާ ވަރލްޑްކަޕް މެޗެއް ފަށަން ނިކުއިން އެންމެ ދުވަސްވީ ކުޅުންތެރިޔާ އަށެވެ.
ކިޔުންތެރިންގެ ހިޔާލު