ކާބޯތަކެތި ބަންދުކުރުމާއި ލޭބަލްކުރުމުގެ އައު ގަވާއިދާ އެއްގޮތަށް އަމަލުކުރުމަށް މޯލްޑިވްސް ފުޑް އެންޑް ޑްރަގް އޮތޯރިޓީން ހަމަހުގެ މުއްދަތެއް ދީފިއެވެ.
މިދިޔަ އަންގާރަ ދުވަހު ގެޒެޓުކޮށް އަމަލުކުރަން ފަށާފައިވާ މި ގަވާއިދުގެ ދަށުން، ޕެކެޓުކޮށް ލޭބަލްކޮށްފައިވާ ކާބޯތަކެތި ކަނޑައެޅިފައިވާ މިންގަނޑުތަކަށް ފެއްތުމަށް ވަނީ އަންގާފައެވެ. މިކަމަށްޓަކައި 6 މަސްދުވަހުގެ މުއްދަތެއް ދީފައިވާއިރު، މި މުއްދަތުގެ ތެރޭގައި ގަވާއިދާ އެއްގޮތަށް ކާބޯތަކެތި ލޭބަލްކުރުމަށް އެ އޮތޯރިޓީން ވަނީ އިލްތިމާސްކޮށްފައެވެ.
ރާއްޖޭގައި އުފައްދާ އަދި ރާއްޖެއަށް އެތެރެކޮށް ބޭރުކުރާ ކާބޯތަކެތި ގޯސްކޮށް ލޭބަލްކުރާނަމަ ބޮޑެތި އަދަދުތަކުން ޖޫރިމަނާކުރުމަށް ވަނީ ނިންމާފައެވެ. މިގޮތުން، ގަވާއިދާ ހިލާފުވާ ފަރާތްތައް 1000000 ރުފިޔާއާ ހަމައަށް ޖޫރިމަނާކުރެވޭނެކަން ވަނީ އިއުލާނުކޮށްފައެވެ.
ގަވާއިދުގައި ބަޔާންކޮށްފައިވާ ގޮތުން، 5 ފަހަރަށް ވުރެ ގިނައިން މި ކުށް ތަކުރާރުކޮށްފިނަމަ 1000000 ރުފިޔާއިން ޖޫރިމަނާކުރުމާއެކު ލައިސަންސް ނުވަތަ ރަޖިސްޓްރީ ބާތިލުކުރުމުގެ ބާރު އޮތޯރިޓީއަށް ލިބިގެންވެއެވެ. އަދި ލޭބަލްނުކޮށް ނުވަތަ އަސްލު އޮޅޭގޮތަށް ލޭބަލްކޮށްގެން މުދާ ވިއްކުމަކީ މަނާކަމެއްގެ ގޮތުގައި ވަނީ ކަނޑައަޅާފައެވެ.
ކިޔުންތެރިންގެ ހިޔާލު