ހުޅުމާލޭ ފިތުރޯނު މަގު މަރާމާތުކުރުމުގެ އަމަލީ މަސައްކަތް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ފަށައިފިއެވެ.
މިއީ ހުޅުމާލޭގެ މަގުތަކަކީ ދަތުރުފަތުރު ކުރުމަށް އަމާން އަދި ރައްކާތެރި ތަންތަނަށް ހެދުމުގެ ގޮތުން ކުރިއަށްދާ މަސައްކަތެއްކަމަށް އެޗްޑީސީން ބުންޏެވެ.
އެޗްޑީސީން ބުނީ، ސަރުކާރުގެ އިސްނެގުމާއެކު ކުރިއަށްދާ މި މަސައްކަތަކީ އެ ކުންފުންޏާއި ކަމާބެހޭ އިދާރާތައް ގުޅިގެން، ހުޅުމާލޭގެ މަގުތަކުގެ ހާލަތު ރަނގަޅުކޮށް، މަގު ބޭނުންކުރާ ފަރާތްތަކަށް ކުރިމަތިވާ ދަތިތައް ހައްލުކުރުމަށް ކުރިއަށްގެންދާ މުހިންމު މަސައްކަތެއް ކަމަށެވެ. އަދި މި މަޝްރޫއުގެ ދަށުން ފިތުރޯނު މަގު މަރާމާތު ކުރުމުގެ މަސައްކަތް ބާރު ސްޕީޑުގައި ކުރިއަށްދާ ކަމަށް އެ ކުންފުނިން ބުންޏެވެ.
ހުޅުމާލޭގައި މަގު ހެދުމާއި، ގެއްލުން ލިބިފައި ހުރި މަގުތައް މަރާމާތުކުރުމުގެ މަސައްކަތުގެ ތެރެއިން، ފިތުރޯނުމަގު މަރާމާތުކުރުމުގެ މަސައްކަތް އެޗްޑީސީން ދަނީ ކުރަމުން.#WithHDC#MyHulhumalé#SeatoSilverShores#HDC25 pic.twitter.com/i7O6eMXxVc
— Housing Development Corporation (@hdcmaldives) April 19, 2026
ހުޅުމާލޭގެ ބައެއް މަގުތައް މަރާމާތުކުރުމަށް މިދިޔަ އަހަރުގެ ނޮވެމްބަރު މަހު ވަނީ ޗައިނާގެ އިންރޮޓައިމް އިންޖިނިއަރިން އެންޑް ޓެކްނޮލޮޖީ ކޮމްޕެނީ ލިމިޓެޑާއެކު އެއްބަސްވުމެއްގައި ސޮއިކޮށްފަ އެވެ.
އެ އެއްބަސްވުމުގެ ދަށުން ފޭސް 1 ގައި ބާކީ ހުރި ހުރިހާ މަގުތަކާއި ފޭސް 2 ގައި ވިނަރެސް ރެސިޑެންސް އާ ޖެހިގެން އޮންނަ މަގު ހެދުމަށް ވަނީ ހަމަޖެހިފައެވެ. މި މަޝްރޫޢުގެ ދަށުން ފިތުރޯނު މަގާއި، ތާރު ހަލާކުވެފައިވާ އެހެނިހެން މަގުތައް މަރާމަތު ކުރުމުގެ މަސައްކަތް ވެސް ކުރިއަށްދާނެ ކަމަށް އެޗްޑީސީން ބުންޏެވެ.
ކިޔުންތެރިންގެ ހިޔާލު