އަމީނީ މަގުގެ ތާރު ހަލާކުވެފައިވާ ސަރަހައްދު އަލުން ތަރައްޤީކުރުމަށް ނިންމައިފިއެވެ.
ރޯޑް ޑިވެލޮޕްމަންޓް ކޯޕަރެޝަން، އާރުޑީސީން ބުނީ، އަމީނީ މަގުގެ ހުލަނގަށްވީ ފަރާތް ވަރަށް ބޮޑަށް ޙަލާކުވެފައިވާތީ އެ ސަރަހައްދު އަލުން ތާރު އަޅައިގެން ތަރައްޤީކުރުމަށް ނިންމާފައިވާކަމަށެވެ. އަމީނީ މަގުގެ ބައެއް ސަރަހައްދުތައް ވަނީ ތާރުތައް އުފުލި، ދުއްވާ އުޅަނދުތަކަށް ނުރައްކާވެފައެވެ. މިދިޔަ ސަރުކާރުގައި އަމީނީ މަގު ތަރައްޤީކުރިނަމަވެސް މަގުގެ ބޮޑު ބައެއް ހަލާކުވެ މީގެ ކުރިންވެސް މިސަރުކާރުން ވަނީ އެ ސަރަހައްދު އަލުން މަރާމާތުކޮށްފައެވެ.
އާރުޑީސީން ބުނީ ކުރިއަށް އޮތް ދެހަފްތާގެ ތެރޭގައި މަގު ހެދުމުގެ މަސައްކަތް ފަށާނެކަމަށެވެ. އެގޮތުން މ ިހާރު އޮތް ތާރުގަނޑު ނަގައި އެތަނުގައި އަލުން ތާރު އެޅުމަށް ނިންމާފައިވާކަމަށް އާރުޑީސީން ބުންޏެވެ.
އަލުން ތާރު އަޅާއިރު، ޓެކްނިކަލް ގޮތުން ބަލަންޖެހޭ ކަންކަން ބަލާނެކަމަށާއި، ޚާއްޞަކޮށް ތާރު އަޅާއިރު ރާއްޖެއިން ބޭރުން އިންޖިނިއަރުން ގެނެސް އެ މަސައްކަތްކުރުމަށް ނިންމާފައިވާކަމަށްވެސް އާރުޑީސީން ބުންޏެވެ.
މިދިޔަ ސަރުކާރުން 84.4 މިލިޔަން ރުފިޔާ ޚަރަދުކޮށްގެން ކުރިއަށްގެންދިޔަ، އަމީނީ މަގު ތަރައްޤީކުރުމުގެ މަޝްރޫޢުގެ ދަށުން ޖުމްލަ 1.79 ކިލޯމީޓަރުގެ ސަރަހައްދެއް ތާރު އަޅައިގެން ތަރައްޤީކޮށްފައިވެއެވެ. އަމީނީމަގުގެ މަސައްކަތް މުޅިން ނިންމާފައިވަނީ 2024 އަހަރުގެ ޖަނަވަރީ މަހުއެވެ.
ކިޔުންތެރިންގެ ހިޔާލު