ރާއްޖެއިން އދ.އަށް ކަނޑައެޅުއްވި ދާއިމީ މަންދޫބުގެ މަގާމުން ވަކި ކުރެއްވި، ރައްޔިތުންގެ މަޖިލީހުގެ މާފަަންނު މެދު ދާއިރާގެ ޕީއެންސީ މެންބަރު އަސްމާ ރަޝީދުގެ ކޮއްކޮ، ޑރ. ސަލްމާ ރަޝީދު އަލުން އެ މަގާމަށް އިއާދަކޮށްފިއެވެ.
ޕީއެންސީއަށް ވޯޓު ނުދިނުމަށް އެދިވަޑައިގެން، އަސްމާ ރަޝީދު މީހަކާ ވާހަކަދައްކަވާ ކަމަށް ބުނާ އޯޑިއޯއެއް ސޯޝަލް މީޑިއާގައި ލީކުކުވެފައިވަނިކޮށް، ސަލްމާގެ އިތުރުން އަސްމާގެ ދަރިކަލުން، ޔޫއޭއީގައި ހުންނަވާ ރާއްޖޭގެ ސަފީރު މުހައްމަދު ހުސެއިން ޝަރީފު (މުންދު) މިދިޔަ ހޯމަ ދުވަހު މަގާމުން ވަކިކުރިއެވެ.
އެނގިފައިވާ ގޮތުގައި އަސްމާގެ އެއްބަނޑުއެއްބަފާ ކޮއްކޮ، ސަލްމާގެ މަގާމު ވަނީ އިއްޔެ އަލުން އިޔާދަކޮށްފައެވެ. ނަމަވެސް، މިހާތަނަށް މުންދު އަލުން މަގާމަށް އައްޔަނެއް ނުކުރެއެވެ.
ސަލްމާ އާއި މުންދުގެ އިތުރުން އަސްމާގެ އެހެން ބޭފުޅެއް ކަމަށްވާ އައިމިނަތު ހުސައިން ޝަރީފް މިވަގުތު ހުންނެވީ ފިޝަރީޒް މިނިސްޓްރީގެ ސްޓޭޓް މިނިސްޓަރަކަށެވެ. ނަމަވެސް އޭނާ މަގާމުން ވަކިކޮށްފައެއް ނުވެއެވެ.
ކިޔުންތެރިންގެ ހިޔާލު