މޯލްޑިވްސް އެސޯސިއޭޝަން އޮފް ޓްރެވަލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) ގެ ސީއީއޯގެ މަގާމުގައި ހުންނެވި މުހައްމަދު ބައްސާމް އާދަމް އެ މަގާމުން މިއަދު އިސްތިއުފާ ދެއްވައިފިއެވެ.
ބައްސާމް އިސްތިއުފާ ދެއްވިކަން އިއުލާނުކުރެއްވީ ސޯޝަލް މީޑިއާ ޕްލެޓްފޯމް ‘އެކްސް’ ގައި މިއަދު ކުރެއްވި ޕޯސްޓެއްގައެވެ. އޭނާ ވިދާޅުވި ގޮތުގައި، މިހާރު ކަންކަން ވަރަށް އަވަހަށް ބަދަލުވަމުން އަންނާތީ އެ މަގާމުގައި ދެމިހުންނެވުމަށް ބޮޑެތި ގޮންޖެހުންތަކަކާ ވަނީ ކުރިމަތިލައްވަން ޖެހިވަޑައިގެންފައެވެ.
ނަމަވެސް މަޓާޓޯގެ ސީއީއޯކަން ކުރެއްވުމުގެ ފުރުސަތު ލިބިވަޑައިގަތުމަކީ އޭނާ ވަރަށް ފަހުރުވެރިވެވަޑައިގަންނަވާ ކަމެއްކަން ފާހަގަކުރައްވައި، އެ މުއްދަތުގައި އެހީތެރިވެދެއްވި ހުރިހާ ފަރާތްތަކަށް ބައްސާމް ވަނީ ޝުކުރު އަދާކުރައްވާފައެވެ.
މިދިޔަ އަހަރުގެ ސެޕްޓެމްބަރު މަހު މަޓާޓޯގެ ސީއީއޯގެ މަގާމަށް އައްޔަނުކުރެއްވި ބައްސާމަކީ އޭގެ ކުރިން އެމްއެމްޕީއާރުސީގެ ޑެޕިއުޓީ މެނޭޖިން ޑިރެކްޓަރުގެ މަގާމުވެސް ފުރުއްވާފައިވާ ތަޖުރިބާކާރު ބޭފުޅެކެވެ.
ކިޔުންތެރިންގެ ހިޔާލު