މިރޭ މީހުން ނަމާދުގައި ތިއްބާ ހުޅުމާލޭ މަސްޖިދު ރަޝީދުގެ ބިލޫރިގަނޑެއް ތަޅައިގެން ހިނގައްޖެއެވެ.
އެ މިސްކިތަށް ނަމާދަށް ދިޔަ ބައެއް މީހުން ބުނީ އެ މިސްކިތުގެ ބިއްލޫރިގަނޑެއް ތަޅައިގެންދިޔައީ އިޝާ ނަމާދު ނިމުނު ވަގުގައި ކަމަށެވެ.
ތަޅައިގެން ދިޔައީ އެ މިސްކިތުގެ ތިން ވަނަ ފަންގިފިލާގެ ބިއްލޫރިގަނޑެކެވެ. ބިއްލޫރިގަނޑު ތަޅައިގެންދިޔަ ސަބަބެއް ނޭނގެއެވެ.
މިސްކިތުގެ ތިންވަނަ ފަންގިފިލާގެ އެ ބިއްލޫރިގަނޑު ތަޅައިގެންދިޔައީ ސީދާ ކޮން ސަބަބަކާ ހުރެ ކަމެއް ނޭނގެއެވެ.
އެ މިސްކިތަކީ މާލޭގެ މޭޔަރު އާދަމް އާޒިމާއި މަޖިލީހުގެ މާފަންނު އުތުރު ދާއިރާގެ މެންބަރު މުހައްމަދު ނާޒިމްގެ ބައްޕަ ދުނިޔޭގައި ހުންނެވިއިރު، އެ ދެ ބޭފުޅުންގެ ކާފަގެ ހަނދާނުގައި އަޅަން ފެށި މިސްކިތެކެވެ.
ރަޝީދު ކާޕެންޓްރީ އެންޑް ކޮންސްޓްރަކްޝަން (އާރްސީސީ)ން ބިނާކޮށްފައިވާ މި މިސްކިތް ހުޅުވީ 2022 ވަނަ އަހަރުއެވެ. އަންހެނުންނާއި ފިރިހެނުންނަށް ވަކިން ނަމާދުކުރެވޭ ގޮތަށް ހަދާފައިވާ މިސްކިތުގައި 1200 މީހުންގެ ޖާގަ ހުރެއެވެ
ކިޔުންތެރިންގެ ހިޔާލު