އަތްފޯރާ އަގުގައި ހިންގާ ބޯހިޔާވަހިކަމުގެ މަޝްރޫޢުގެ އެންމެ ބޮޑު ބޭނުމަކީ އަލަށް ގެއެއް ގަންނަން ބޭނުންވާ ފަރާތްތަކަށް ހެޔޮ އަގެއްގައި ގެއެއް ގަނެވޭނެ މަގު ފަހިކޮށްދީ އާއިލީ ބޯހިޔާވަހިކަމަށް އިސްކަން ދިނުން ކަމަށް އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވަޒީރު ޑރ. އަބްދުﷲ މުއްޠަލިބު ވިދާޅުވެއްޖެއެވެ. ހުޅުމާލެ 3 ވަނަ ފިޔަވަހީގައި 1000 ހައުސިންގ ޔުނިޓް އަޅައިދޭނެ ބަޔަކު ހޯދުމަށް ކުރި އިޢުލާނާއި ގުޅިގެން “ލިންކްޑްއިން”ގައި ކުރެއްވި ޕޯސްޓެއްގައި ވަޒީރު ވިދާޅުވީ ސަރުކާރުގެ ބޯހިޔާވަހިކަމުގެ މަސައްކަތްތައް ބިނާވެފައި އޮތީ މައިގަނޑު ދެ މޮޑެލަކަށްކަމަށެވެ. އެއީ ލޯން ނަގައިގެން އިޖުތިމަޢީ ބޯހިޔާވަހިކަމަށް ޢިމާރާތްކުރުމާއި އެޗްޑީސީ މެދުވެރިކޮށް ރިއަލް އެސްޓޭޓް އުސޫލުން ހިންގާ މަޝްރޫޢުކަމަށެވެ. މީގެތެރެއިން ރިއަލް އެސްޓޭޓް މަޝްރޫއުތަކުގައި ޔުނިޓްތައް ވިއްކާފައިވަނީ ކޮންޓްރޯލް އަގުތަކެއްގައިކަން ފާހަގަކުރެއްވިއެވެ. ނަމަވެސް ބޯހިޔާވަހިކަން ފޯރުކޮށްދިނުމަށް ސަރުކާރުން މަސައްކަތްތައް ކުރިނަމަވެސް، ރިއަލް އެސްޓޭޓް ޑިވެލޮޕްމަންޓް މޮޑެލްގައި އަލަށް ގެދޮރު ގަންނަ ފަރާތްތަކަށް ނުވަތަ ފަސްޓް-ޓައިމް ހޯމްބަޔާސްއަށް މާބޮޑު އިސްކަމެއް ދެވިފައިނުވާކަންވެސް ވަޒީރު ފާޙަގަކުރެއްވިއެވެ.
ނަތީޖާއެއްގެ ގޮތުން ކޮންޓްރޯލް އަގުގައި ވިއްކި އެޕާޓްމަންޓްތަކުގެ ބޮޑު ބައެއް ގަނެފައިވަނީ، އަލަށް ގެދޮރު ބޭނުންވާ އާއިލާތަކުގެ ބަދަލުގައި، އިންވެސްޓްމަންޓެއްގެ ގޮތުން ނުވަތަ ކުއްޔަށް ދީގެން އާމްދަނީ ހޯދުމުގެ ބޭނުމުގައި މުދާ ގަންނަ ފަރާތްތަކުން.
ގެދޮރުވެރިކަމާ ބެހޭ ވަޒީރު ވިދާޅުވިއެވެ.
ހުޅުމާލެ 3 ވަނަ ފިޔަވަހީގައި އެޅުމަށް ހަމަޖެހިފައިވާ 1000 ހައުސިން މަޝްރޫޢުގެ ދަށުން ފަސް ބިމެއްގައި ހައުސިންގް ޔުނިޓް އެޅުމަށް ވަނީ ހަމަޖެހިފައެވެ. އެއީ ކޮންމެ ބިމެއްގައި 200 ހައުސިންގ ޔުނިޓެވެ. މި މަޝްރޫޢުގެ ދަށުން އިމާރާތްކުރާ ތަންތަނުގެ ތެރެއިން 70 އިންސައްތައަކީ ތިން ކޮޓަރީގެ އެޕާޓްމަންޓްތަކެވެ. މި މަސައްކަތް ނިންމުމަށް ކަނޑައަޅާފައިވަނީ 30 މަސްދުވަހުގެ މުއްދަތެކެވެ.
ކިޔުންތެރިންގެ ހިޔާލު