ހުޅުމާލޭގައި ވަކި ސިޓީ ކައުންސިލެއް ހަދަން ހުޅުމާލެ ދެކުނު ދާއިރާގެ މެންބަރު ޑރ. އަހްމަދު ޝަމްހީދު މިއަދު ގޮވާލައްވައިފިއެވެ.
‘އެކްސް’ގައި ޝަމްހީދު މިއަދު ކުރެއްވި ޕޯސްޓެއްގައި ވިދާޅުވީ ހުޅުމާލެ އޮންނަންޖެހޭނީ މާލެއާ ވަކިން ހިންގާ ތަނެއްގެ ގޮތުގައި ކަމަށެވެ. އޭނާ ވިދާޅުވީ މާލެއާ އަޅާ ބަލާއިރު ހުޅުމާލެއަކީ ޚާއްސަ ސިފަތަކެއް ލިބިގެންވާ، ތަފާތު ތަނެއް ކަމަށެވެ.
“ހުޅުމާލެއަށް ހައްގީ މާލެއާ ވަކިން، މިނިވަން ސިޓީ ކައުންސިލެއް، މާލެ ސިޓީ ކައުންސިލްގެ އަޣުލަބިއްޔަތު ހުޅުމާލެއަށް ދޭންޖެހޭ ވަރަށް އިސްކަން ނުދީފާނެ، އަދި އެހެން ސިޓީއެއްގެ ކައުންސިލަރުން ހުޅުމާލޭގެ ކަންކަމަށް ބަސް ކިއުމަކީ އެންމެ ރަނގަޅު އުސޫލެއްނޫން،” ޝަމްހީދު ވިދާޅުވިއެވެ.
އޭނާ ވިދާޅުވީ ސިޓީއެއް ނުވަތަ ތަނެއް ބަލަހައްޓައި އެ ތަނެއްގެ ކަންކަމަށް ބަސްކިޔަންވާނީ އެ ތަނެއްގައި ދިރިއުޅޭ، އާދަކާދައާއި ސަގާފަތް ދަންނަ ބައެއް ކަމަށެވެ.
އެހެންވެ، ޝަމްހީދު ވަނީ ހުޅުމާލެ ވަކި ދާއިރާއަކަށް ހެދުމަށް ރައްޔިތުންގެ މަޖިލީހަށާއި ރައީސް ޑރ. މުހައްމަދު މުއިއްޒަށް ގޮވާލައްވައިފައެވެ.
ކިޔުންތެރިންގެ ހިޔާލު