ކުޅިވަރާއި ހަށިހެޔޮކަމާ ބެހޭ ވަޒީރު އަބްދުﷲ ރާފިއު, ނައިފަރުގެ އާ ވޮލީބޯޅަ ކޯޓު ހުޅުވައިދެއްވައިފިއެވެ.

ޒަމާނީ ފެންވަރަށް ތަރައްގީ ކުރެވިގެންދިޔަ މި ވޮލީބޯޅަ ކޯޓަކީ ފަސްވަރަކަށް ހާސް މީހުންގެ އާބާދީ އެއް އޮންނަ ނައިފަރުގައި ވޮލީބޯޅަ މުބާރާތްތައް ބާއްވާ ހެދުމަށް އެތައް ލުއި ފަސޭހައެއް ލިބިގެންދާނެ ކޯޓެކެވެ.

ވަޒީރު ރާފިއު ވަނީ އާ ވޮލީބޯޅަ ކޯޓު ހުޅުވުން ފާހަގަކުރުމުގެ ގޮތުން އެ ކޯޓުގައި މިހާރު ފެށިގެން ކުރިއަށްދާ ނައިބޮލި ވޮލީބޯޅަ ޗެމްޕިއަންޝިޕް 2025 ފެށުމުގެ ރަސްމިއްޔާތުގައި ބައިވެރިވެވަޑައިގަންފައެވެ.

ފެށުމުގެ ރަސްމިއްޔާތުގެ އިތުރުން ނައިބޮލި ވޮލީބޯޅަ ޗެމްޕިއަންޝިޕްގެ ފުރަތަމަ މެޗުތައް ވަޒީރު ވަނީ ބައްލަވާފައެވެ.