މި ސަރުކާރުގެ އަމާޒަކީ 2030 ވަނަ އަހަރުގެ ކުރިން ކްރިއޭޓިވް އިންޑަސްޓްރީތަކުން މަދުވެގެން ޖީޑީޕީގެ 15 ޕަސަންޓު ހިއްސާކުރުން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް އިނގިރޭސިވިލާތަށް ކުރައްވަމުން ގެންދަވާ ދަތުރުފުޅުގައި ރާއްޖެ-ޔޫކޭ ބިޒްނަސް ފޯރަމްގައި ތަގުރީރުކުރައްވަމުން ވިދާޅުވީ ޑިޖިޓަލް ކޮންޓެންޓް، ޑިޒައިން، މީޑިއާ، ގޭމިން، ސަގާފީ ވިޔަފާރިތަކާއި އާޓްސް ހިމެނޭ ކްރިއޭޓިވް ދާއިރާއަކީ ރާއްޖޭގެ ކުރިއެރުމަށް މުހިންމު އިންޖީނެއް ކަމަށެވެ.

އަމާޒަކީ 2030 އަށް ކްރިއޭޓިވް އިންޑަސްޓްރީތަކުން ޖީޑީޕީގެ މަދުވެގެން 15 ޕަސަންޓު ހިއްސާކުރުން ކަމަށާއި ޒުވާން، ޓެކްނޮލޮޖީއަށް އަހުލުވެރި އާބާދީއަކާއި އަވަސް ދުވެލީގައި ކުރިއަރަމުންދާ ޑިޖިޓަލް އިންފްރާސްޓްރަކްޗާއާއެކު، ދިވެހިންގެ ހުނަރުވެރިކަމާއި ދުނިޔޭގެ ކްރިއޭޓިވް ބައިވެރިވުންތައް ކުރިއެރުވުމަށް ބިންގާ އަޅަމުންދާނެ ކަމަށް ރައީސް ވިދާޅުވިއެވެ.

އިނގިރޭސިވިލާތުގެ ކްރިއޭޓިވް މުއައްސަސާތަކާއި، ޑިޖިޓަލް ސްޓާޓްއަޕްތަކާއި، ޑިޒައިން ކުންފުނިތަކާއި، މީޑިއާ ވިޔަފާރިތަކަށް، ދިވެހިންނާއެކުގައި ގުޅިގެން މަޝްރޫއުތައް ކުރިއަށް ގެންދިއުމަށާއި، ޕްލެޓްފޯމްތަކުގައި އިންވެސްޓްކުރުމަށް ނުވަތަ ޒުވާނުންގެ ތަމްރީން ޕްރޮގްރާމްތަކުގައި ބައިވެރިވުމަށް ދައުވަތު އަރުވާ ކަމަށް ރައީސް ވިދާޅުވިއެވެ.