ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ އިންތިހާބުގައި ވާދަކުރުމުގެ ފުރުސަތު ހުޅުވާލައިފިއެވެ.
އެފްއޭއެމްގެ އިންތިހާބު އަންނަ މަހުގެ 26 ގައި ބާއްވަން ނިންމާފައިވާ އިރު، ހިންގާ ކޮމިޓީގެ މަގާމުތަކަށް ކުރިމަތިލާން މިއަދު ހުޅުވާލާފައިވަނީ އަންނަ މަހުގެ 6 ގެ ނިޔަލަށެވެ.
އެފްއޭއެމްގެ ހިންގާ ކޮމިޓީއަށް ރައީސަކާއި ނައިބު ރައީސެއްގެ އިތުރުން ދެވަނަ ނައިބުންގެ މަގާމަށް ދެ މީހަކު އިންތިހާބުކުރަން ޖެހޭނެއެވެ. އަދި އާންމުންގެ މެންބަރުންގެ ގޮތުގައި އަންހެން ދެ މެންބަރުން ހިމެނޭ ގޮތަށް ހަތް މެންބަރުން އިންތިހާބުކުރަން ޖެހޭނެއެވެ.
އެފްއޭއެމްގެ ރައީސްގެ މަގާމުގައި އެންމެ ފަހުން ހުންނެވީ ގިނަ ތުހުމަތުތަކެއް އަމާޒުވެފައިވާ ބައްސާމް އަދީލް ޖަލީލެވެ. އެފްއޭއެމްގެ ފައިސާއަށް ހިޔާނާތްތެރިވި މައްސަލައިގައި ދައުލަތުން ވަނީ ބައްސާމްގެ މައްޗަށް މަނީ ލޯންޑަރިން އާއި ހިޔާނާތްތެރިވުމުގެ ދައުވާ އުފުލައިފައެވެ.
އެފްއޭއެމް މިހާރު ހިންގަނީ ފުޓުބޯޅައިގެ މައި އިދާރާ، ފީފާ އިން އެކުލަވާލާފައިވާ ނޯމަލައިޒޭޝަން ކޮމިޓީއަކުންނެވެ.
ކިޔުންތެރިންގެ ހިޔާލު