ޗައިނާގެ ސޫޗައު ޔުނިވާސިޓީގެ ކުޑަކުދިންގެ ހޮސްޕިޓަލާއި ދަރުމަވަންތަ ހޮސްޕިޓަލާ ދެމެދު އެމްއޯޔޫއެއްގައި ސޮއިކޮށްފިއެވެ.
މިއަދު ބޭއްވި ރަސްމިއްޔާތެއްގައި އެ އެމްއޯޔޫގައި ދަރުމަވަންތަ ހޮސްޕިޓަލުގެ ފަރާތުން ސޮއިކުރެއްވީ މާލޭ ސިޓީ ގްރޫޕް އޮފް ހޮސްޕިޓަލްސްގެ ޗީފް އެގްޒެކެޓިވް އޮފިސަރު އިބްރާހީމް އަބްދުއްރައްޒާގު ހަލީމްއެވެ.
އެމްއޯޔޫއެއްގައި ސޮއިކުރެވުމާއެކު ދަރުމަވަންތަ ހޮސްޕިޓަލް ހިންގާ އައިޖީއެމްއެޗުން މިއަދު އެކްސްގައި ކުރި ޕޯސްޓެއްގައި ބުނީ ސިއްހީ ދާއިރާގެ ތަޖުރިބާކާރުންނަށް ލިބިފައިވާ މައުލޫމާތުތައް ހިއްސާކޮށް، އެ އެމްއޯޔޫގެ މަގުސަދަކީ ދިވެހި ކުޑަކުދިންގެ ދިރިއުޅުން އިތުރަށް ރަނގަޅުކޮށްދިނުން ކަމަށެވެ.
އެ އެމްއޯޔޫއަކީ ރާއްޖޭގައި ކުޑަކުދިންގެ ސާޖިކަލް ކެއާގެ ހިދުމަތް ރަނގަޅުކުރަން އެޅޭ މުހިިންމު ފިޔަވަޅަކަށް ވާނެ ކަމަށް ވެސް އެ ހޮސްޕިޓަލުން ވަނީ ފާހަގަކޮށްފައެވެ.
ކިޔުންތެރިންގެ ހިޔާލު