އިހަވަންދިއްޕޮޅުގެ އޯ.ޕީ.އެލް ސަރަހައްދުގައި އުތުރު މެރިޓައިމް ސަރވިސް (ޔޫ.އެމް.އެސް) ގެ ބެލުމުގެ ދަށުން އެމް.އެސް.ސީ ވިންޑް 2 ކޮންޓެއިނަރ އުޅަނދަށް ތެލުގެ ޚިދުމަތް ފޯރުކޮށްދެވިއްޖެއެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ހާމަކުރެއްވި ގޮތުގައި، މި އުޅަނދަށް ބަންކަރިންގ ޚިދުމަތުގެ ދަށުން އެސްޓީއޯ މެދުވެރިވެ 250 މެޓްރިކް ޓަނުގެ ތެޔޮ ފޯރުކޮށްދެވިފައިވެއެވެ.
ކެނިޔާގެ މޮމްބާސާއިން ފުރައިގެން އިންޑިއާގެ ވިޝިންޖަމްއަށް ދަތުރުކުރަމުންދާ މި އުޅަނދަށް ޚިދުމަތް ފޯރުކޮށްދެވުނު ކަމަކީ، އުތުރު މެރިޓައިމް ސަރވިސްގެ ޤާބިލުކަން އިތުރުވަމުން އަންނަކަން ހާމަކޮށްދޭ ކަމެއްގެ ގޮތުގައި އެމްޕީއެލްއިން ފާހަގަކުރައްވައެވެ.
އުތުރު މެރިޓައިމް ސަރވިސްއަކީ ދިވެހިރާއްޖޭގެ އުތުރުގައި ބައިނަލްއަޤްވާމީ ކަނޑުމަގުން ދަތުރުކުރާ އުޅަނދުފަހަރަށް ޚިދުމަތް ފޯރުކޮށްދިނުމަށް އެމްޕީއެލްއިން ޤާއިމްކޮށްފައިވާ ޚިދުމަތެކެވެ. މި ޚިދުމަތުގެ ދަށުން ޕައިލެޓޭޖް އަދި ބަންކަރިންގ ފަދަ އެކިއެކި ޚިދުމަތްތައް ފޯރުކޮށްދެމުން ގެންދެވެއެވެ.
ކިޔުންތެރިންގެ ހިޔާލު