ކްރިމިނަލް ކޯޓުން އިއްވި ހުކުމެއްގައި، ކުޑަކުއްޖަކަށް ޖިންސީ ގޯނާކުރި މީހަކު 54 އަހަރަށް ޖަލަށްލުމަށް ނިންމައިފިއެވެ.

މި ހުކުމް އިއްވާފައިވަނީ އިތުބާރުކުރެވޭ މަޤާމެއްގައި ހުރެ، ކުޑަ އަންހެން ކުއްޖަކާމެދު ތަކުރާރުކޮށް ގަދަކަމުން ޖިންސީ ޢަމަލު ހިންގައި، އަދި އެ ކުއްޖާގެ ޖިންސީ ގުނަވަނުގައި ގަދަކަމުން އަތްލުވައި ޖިންސީ ޢަމަލު ހިންގި މައްސަލައާ ގުޅިގެން ހައްޔަރުކުރެވުނު 51 އަހަރުގެ ދިވެހި ފިރިހެނެއްގެ މައްޗަށެވެ.

މި އަހަރުގެ އޭޕްރިލް 21 ވަނަ ދުވަހު އިއްވިިއްވި ހުކުމުގައި ބަޔާންކޮށްފައިވާ ގޮތުން، އޭނާ މިހާރު ބަންދުގައި ހޭދަކޮށްފައިވާ ތިން އަހަރު އުނިކުރުމަށްފަހު، އިތުރު 51 އަހަރުގެ ޖަލު ހުކުމެއް ތަންފީޛުކުރަންޖެހޭނެއެވެ.

މި މައްސަލައާ ގުޅިގެން އޭނާ ހައްޔަރުކޮށްފައިވަނީ 2022 ވަނަ އަހަރުގެ ސެޕްޓެމްބަރު 3 ވަނަ ދުވަހުގެ ރޭ ހުޅުމާލެ ފޭސް 2 އިންނެވެ.