ދިވެހި ފުލުހުންގެ ޚިދުމަތުން މިއަދު އިޢުލާނުކުރި ގޮތުގައި، ފުލުހުންގެ ޚާއްޞަ ތަމްރީނު ޕްރޮގްރާމެއް ހުޅުމާލޭގެ އެއްވަނަ ފޭހުގައި ކުރިއަށްގެންދެވޭނެއެވެ. މި ތަމްރީނު ޕްރޮގްރާމް ހިންގުމަށް ހަމަޖެހިފައިވަނީ މިއަދު މެންދުރުފަހު 2:00 އިން ހަވީރު 5:00 އަށެވެ.
މި ތަމްރީނު ޕްރޮގްރާމުގައި ފުލުހުންގެ ސްޕެޝަލިސްޓް ރެސްޕޮންސް ޓީމުތަކުން ބައިވެރިވާނެއެވެ. މިއީ ފުލުހުންގެ އޮޕަރޭޝަނަލް ތައްޔާރީތަކާއި ވިލަރެސްކުރުން އިތުރުކުރުމަށްޓަކައި ކުރިއަށްގެންދެވޭ މަސައްކަތުގެ ތެރެއިން ބޭއްވޭ ތަމްރީނު ޕްރޮގްރާމެކެވެ.
ދިވެހި ފުލުހުންގެ ޚިދުމަތުން ވަނީ މި ތަމްރީނު ޕްރޮގްރާމް ކުރިއަށްދާ ވަގުތުތަކުގައި ރައްޔިތުންގެ ފުރިހަމަ އެއްބާރުލުން ދިނުމަށް އެދިފައެވެ. އަދި ތަމްރީނުގެ ތެރޭގައި ފެންނަ މަންޒަރުތަކާއި ހަރަކާތްތަކާ ގުޅިގެން ކަންބޮޑުވުން ފާޅުނުކުރުމަށްވެސް އާންމުންގެ ކިބައިން އެދިފައިވެއެވެ.
ކިޔުންތެރިންގެ ހިޔާލު