ބ. އަތޮޅު ކައުންސިލާއި ވިޒިޓް މޯލްޑިވްސް ކޯޕަރޭޝަން (ވީއެމްސީ) ގުޅިގެން، ގިނިސް ވޯލްޑް ރެކޯޑްސްގައި ޖާގަ ހޯދުމަށް އަމާޒުކޮށް، އެއްފަހަރާ އެންމެ ގިނަ މީހުން ސްނޯކަލްކުރުމުގެ ހަރަކާތެއް ބޭއްވުމަށް ނިންމައިފިއެވެ.
“ބާނި” ގެ ނަމުގައި ކުރިއަށްގެންދާ މި ހަރަކާތް އޮންނާނީ އަންނަ އޮކްޓޯބަރު މަހުގެ 18 ވަނަ ދުވަހުއެވެ. މާޅޮސްމަޑުލު ދެކުނުބުރީ ވިލިނގިލިފަރު ފިނޮޅުގައި ބާއްވާ މި ހަރަކާތުގައި 1000 އަށްވުރެ ގިނަ ބައިވެރިން ބައިވެރިވާނެ ކަމަށް ލަފާކުރެވެއެވެ. މި ހަރަކާތުގެ ސަބަބުން، މި ސަރަހައްދުަހައްދުގެ ފަރުތަކުގެ މުއްސަނދިކަން ދުނިޔެއަށް ހާމަކޮށްދެވޭނެ ކަމަށް ވީއެމްސީން ފާހަގަކޮށްފައިވެއެވެ.
ބ. އޭދަފުށިން 10 މިނެޓުގެ ދުރުމިނުގައި އޮންނަ މި ފިނޮޅަކީ ގިނަ އަދަދެއްގެ ކިރުދޫނި ޖަމާވާ ތަނަކަށްވުމާއެކު، މި ހަރަކާތަކީ ބައިނަލްއަޤްވާމީ ސަމާލުކަން ލިބޭނެ ކަމެއްކަމަށް ބެލެވެއެވެ. އަދި ދިވެހިރާއްޖޭގެ ޤުދުރަތީ ރީތިކަމާއި، ރަށްތަކާއި ފަރުތަކުގެ ދިރުމުގެ މުއްސަނދިކަން ދައްކާލުމަށް އެންމެ އެކަށޭނަ އެއް ސަރަހައްދު ކަމުގައި ވީއެމްސީން ދެކެއެވެ.
ރިކޯޑު މުގުރާލުމަށް ބައިވެރިން ފީނާނެ ފަޅަކީ ތަފާތު ބާވަތްތަކުގެ މުރަކަތަކާއި މަސްމަހާމެހިން މުއްސަނދި ފަރެކެވެ. މި ސަބަބުތަކަށްޓަކައި، މި ހަރަކާތަކީ ހަމައެކަނި ރިކޯޑެއް މުގުރާލުމުގެ ހަރަކާތެއްގެ އިތުރުން، ދުނިޔެއަށް ރާއްޖޭގެ ޤުދުރަތީ ރީތިކަމާއި މުއްސަނދިކަން އައު ނަޒަރަކުން ދައްކާލުމުގެ ފުރުސަތެކެވެ. މީގެ އިތުރުން، މި ހަރަކާތުގެ ސަބަބުން ރާއްޖޭގެ ޤުދުރަތީ ވަސީލަތްތައް ހިމާޔަތްކޮށް ދެމެހެއްޓެނިވި ގޮތެއްގައި ތަރައްޤީކުރުމަށް ކުރެވޭ މަސައްކަތްތަކާއި، އިކޯ-ޓޫރިޒަމް ކުރިއެރުވުމަށް މަގުފަހިވެގެންދާނެއެވެ.
“ބާނި” ހަރަކާތުގައި ބައިވެރިވުމަށް ޝައުޤުވެރިވާ ފަރާތްތަކަށް، ބ. އަތޮޅު ކައުންސިލުން ތައްޔާރުކޮށްފައިވާ ރަޖިސްޓްރޭޝަން ޕޯޓަލް މެދުވެރިކޮށް މިހާރު ރަޖިސްޓަރކުރެވެން ހުޅުވާލާފައިވެއެވެ. އަދި 18 އޮކްޓޯބަރުގައި މި ހަރަކާތުގައި ބައިވެރިވުމަށް ވިލް ވިލިނގިލިފަރު ފިނޮޅަށް ދަތުރުކުރުމުގެ އިންތިޒާމު، ބ. އަތޮޅުގެ ކޮންމެ ރަށަކުންވެސް ލިބޭނެ ގޮތް އަތޮޅު ކައުންސިލުން ވަނީ ހަމަޖައްސާފައެވެ.
ކިޔުންތެރިންގެ ހިޔާލު