ނިމިދިޔަ އެމްޑީޕީ ސަރުކާރުން ފުލުހުންގެ ވަޒީފާއިން ވަކިކުރި އެސިސްޓެންޓް ކޮމިޝަނަރުން ކަމަށްވާ މުހައްމަދު ޖަމްޝީދާއި އަހްމަދު މުހައްމަދަށް އަލުން ފުލުހުންގެ ވަޒީފާ ދީފިއެވެ.
ފުލުހުންގެ މީޑިއާ އޮފިޝަލް ވިދާޅުވީ އެ ދެ ބޭފުޅުންނަށް ވަޒީފާ އިޔާދަކޮށްދިނީ ހައިކޯޓުން ކޮށްފައިވާ ހުކުމެއް ތަންފީޒު ކުރުމުގެގޮތުން ކަމަށެވެ.
ފުލުހުންގެ އިސް އޮފިސަރުންތަކެއް މަގާމުން ވަކިކުރަން ޕޮލިސް ބޯޑުން ނިންމާފައި ވަނީ 2022 ވަނަ އަހަރުގެ އޮކްޓޫބަރު މަހުގެ 10 ވަނަ ދުވަހެވެ. އޭރު ވަކި ކުރި ބޭފުޅުންގެ ތެރޭގައި ޖަމްޝީދާއި އަހްމަދު މުހައްމަދު ހިމެނެއެވެ.
އެ ދެ ބޭފުޅުންނަކީ ފުލުހުންގެ މުއައްސަސާގައި ގިނަ ދުވަސްތަކެއް ވަންދެން ވަޒީފާ އަދާކުރެއްވި ވަރަށް ތަޖުރިބާކާރު ދެ ބޭފުޅުންނެވެ.
ކޯޓުން ހުކުމްކޮށްފައި ވަނީ އެ ދެ ބޭފުޅުން ވަޒީފާއިން ވަކިކޮށްފައި ވަނީ ގާނޫނާ ޚިލާފަށް ކަމަށެވެ.
ކިޔުންތެރިންގެ ހިޔާލު