ރަސްމާލެ މަޝްރޫއަކީ ބޭކާރު އިސްރާފެއް ކަމަށް ކުރިން ދެކެމުން އައި އިދިކޮޅު އެމްޑީޕީއަށް މިހާރު އެ ތަނުގެ ފަސްގަނޑު ފެންނަނީ ރަންގަނޑެއްގެ ގޮތުގައި ކަމަށް ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރު އިބްރާހިމް ފަލާހް ވިދާޅުވެއްޖެއެވެ.
ރައްޔިތުންގެ މަޖިލީހުގެ ޖަލްސާއަށް އެމްޑީޕީން ހުށަހެޅުއްވި ކުއްލި މައްސަލައިގެ ބަހުސްގައި ވާހަކަދައްކަވަމުން ފަލާހް ވިދާޅުވީ މި ސަރުކާރުން ފެށި ރަސްމާލެ މަޝްރޫއަކީ އެއްވެސް މީހަކު ދިރިއުޅެން ނުދާނެ އަދި އިންވެސްޓަރަކު އިންވެސްޓު ނުކުރާނެ ބޮޑު އިސްރާފެއްގެ ގޮތުގައި ކުރިން އެ ޕާޓީން ސިފަކުރި ކަމަށެވެ. ނަމަވެސް މިއަދު އެމްޑީޕީން އެ މައްސަލަ ހުށעޅުމުން އެ ޕާޓީއަށް ރަސްމާލޭގެ ފަސްގަނޑުގެ އަގު ވަޒަންކުރެވި، އެއީ ރަންގަނޑެއްގެ ގޮތުގައި ފެންނަން ފަށާފައިވާކަން ހާމަވާ ކަމަށް އޭނާ ވިދާޅުވިއެވެ.
އެމްޑީޕީން މި ކުއްލި މައްސަލަ މަޖިލީހަށް ހުށަހެޅީ ވެރިކަން ކުރާ ޕީއެންސީގެ ސުޕަ މެޖޯރިޓީން އެ މައްސަލަ ބޭރުކޮށްލާނೆ ކަމަށް ހީކޮށްގެން ކަމަށް ފަލާހް ފާހަގަކުރެއްވިއެވެ. ނަމަވެސް ޕީއެންސީން އެ މައްސަލަ ބަލައިގަތުމުން، އެކަމަށް އެއްވެސް މައުލޫމާތެއް ސާފުނުކޮށް ތިބުމުގެ ސަބަބުން އެމްޑީޕީގެ އިސް މެންބަރުންނާއި މައްސަލަ ހުށަހهޅުއްވި މެންބަރުވެސް މަޖިލިސް މާލަމުގައި މަޑުނުކުރައްވާ ކަމަށް އޭނާ ވިދާޅުވިއެވެ.
މީގެއިތުރުން ފާފު އަތޮޅުގައި ކުރިން ހިންގަން އުޅުނު މަޝްރޫއާ ދެކޮޅަށް އެމްޑީޕީން ދެއްކި ވާހަކަތަކާއި މިހާރު ދައްކާ ވާހަކަތަކާ އެއްވެސް ތަފާތެއް ނެތް ކަމަށް ފަލާހް ވިދާޅުވިއެވެ. އީގަލް ހިލްސްއާ އެކު އަދި އޮތީ ކޮމާޝަލް ޓާމްސް އެގްރީމެންޓެއް ކަމަށާއި، ރާއްޖޭގެ ޓޫރިޒަމް ގާނޫނުގެ ދަށުން ނުވަދިހަ ނުވަ އަހަރަށް ތަންތަން ދޫކުރެވޭ އުސޫލު އެމްޑީޕީއަށް އެނގޭއިރު، މިއީ ބިލިއަންޑޮލަރުގެ މަޝްރޫއެއްގައި ރައްޔިތުންނަށް އޮޅުވާލަން ދައްކާ ވާހަކަތަކެއް ކަމަށްވެސް އޭނާ ވިދާޅުވިއެވެ.
ކިޔުންތެރިންގެ ހިޔާލު