ދުނިޔޭގެ އެކި ކަންކޮޅުތަކުގެ ކެންސަރާ ދެކޮޅަށް މަސައްކަތްކުރާ ޖަމްޢިއްޔާތަކާއި، މާހިރުން އަދި ވަކާލާތުކުރާ ފަރާތްތައް އެއްތަނަކަށް އެއްވި “ވޯލްޑް ކެންސަރ ކޮންގްރެސް 2026” ގައި ކެންސަރ ސޮސައިޓީ އޮފް މޯލްޑިވްސް (ސީ.އެސް.އެމް) އިން ބައިވެރިވެއްޖެ އެވެ.
ހޮންގކޮންގުގައި ބޭއްވުނު މި ބައްދަލުވުމުގައި ސީ.އެސް.އެމް ގެ ޓީމުން ވަނީ ކޮންގްރެސްގެ އެކި ސެޝަންތަކުގައި ބައިވެރިވެފައެވެ. މި ސެޝަންތަކުގެ ތެރެއިން ބައިނަލްއަޤްވާމީ ފެންވަރުގެ މާހިރުންގެ ފަރާތުން މުހިންމު މަޢުލޫމާތުތަކާއި އިލްމު ހޯދުމުގެ އިތުރުން، ރާއްޖޭގައި ކެންސަރުގެ ފަރުވާއާއި ހޭލުންތެރިކަން އިތުރުކުރުމަށް ކުރެވޭ މަސައްކަތްތައް ހަރުދަނާކުރުމަށްޓަކައި އެ ޖަމްޢިއްޔާގެ ތަޖުރިބާތައް ވެސް ވަނީ އެހެން ފަރާތްތަކާ ހިއްސާކޮށްފައެވެ.
“ވޯލްޑް ކެންސަރ ކޮންގްރެސް 2026” ގައި ކެންސަރ ސޮސައިޓީ އޮފް މޯލްޑިވްސް (ސީ.އެސް.އެމް) އިން ބައިވެރިވުން
މީގެއިތުރުން، ކެންސަރުގެ ދާއިރާގައި ހަރަކާތްތެރިވާ ބައިނަލްއަޤްވާމީ ޖަމްޢިއްޔާތަކާއި ބައިވެރިންނާ އެކު ދިވެހި ޓީމުން ވަނީ މަޝްވަރާތައް ބާއްވާފައެވެ. މި މަޝްވަރާތަކުގައި މައިގަނޑު ގޮތެއްގައި އަލިއަޅުވާލާފައިވަނީ ކުރިމަގުގައި އެކުގައި މަސައްކަތްކުރެވިދާނެ ދާއިރާތަކާއި، އިލްމާއި ތަޖުރިބާ ބަދަލުކުރުމުގެ ފުރުޞަތުތައް ފަހިކުރުމުގެ މައްޗަށެވެ.
ކެންސަރ ސޮސައިޓީ އޮފް މޯލްޑިވްސް އިން ބުނި ގޮތުގައި، މި ކޮންގްރެސްގެ ސަބަބުން ދުނިޔޭގެ ފެންވަރުގައި ކެންސަރުގެ ފަރުވާއާއި ޚިދުމަތްތައް ދިނުމުގައި ބޭނުންކުރާ އައު އުކުޅުތަކާއި ގޮތްތައް ދެނެގަތުމުގެ ފުރުޞަތު ލިބިގެންދިޔައެވެ. އަދި މިފަދަ އެއް އަމާޒެއްގައި މަސައްކަތްކުރާ ބައިނަލްއަޤްވާމީ އެކި ޖަމާޢަތްތަކާ ދެމެދު އޮތް ގުޅުން އިތުރަށް ބަދަހިވެގެން ދިޔަކަން ވެސް އެ ޖަމްޢިއްޔާއިން ފާހަގަކުރިއެވެ.
“ވޯލްޑް ކެންސަރ ކޮންގްރެސް 2026” ގައި ކެންސަރ ސޮސައިޓީ އޮފް މޯލްޑިވްސް (ސީ.އެސް.އެމް) އިން ބައިވެރިވުން
ސީ.އެސް.އެމް އިން އިތުރަށް ހާމަކުރި ގޮތުގައި، މި ދަތުރަށްފަހު އެ ޖަމްޢިއްޔާގެ ޓީމު އެނބުރި ރާއްޖެ އަންނަނީ އައު ވިސްނުންތަކާއި، ދިވެހި މުޖުތަމަޢުގައި ކެންސަރުގެ ފަރުވާއާއި ވަކާލާތުކުރުމުގެ ދާއިރާއަށް މާނަހުރި، ހެޔޮ ބަދަލުތަކެއް ގެނައުމަށް އައު ހިތްވަރަކާއި ޢަޒުމަކާ އެކުގައެވެ.
ކިޔުންތެރިންގެ ހިޔާލު