ގދ. ގައްދޫގައި ތަރައްޤީކުރާ 30 އެނދުގެ ޒަމާނީ ހޮސްޕިޓަލް އިމާރާތުގެ އަމަލީ މަސައްކަތް އެމްޓީސީސީ އިން ފަށައިފިއެވެ.
މި މަޝްރޫޢުގެ ދަށުން ގައްދޫގައި ހަތަރު ފަންގިފިލާގެ 30 އެނދުގެ ޖާގައިގެ މައި ހޮސްޕިޓަލް އިމާރާތެއް ބިނާކުރުމަށް ވަނީ ހަމަޖެހިފައެވެ.
އޭގެ އިތުރުން 2563 އަކަފޫޓުގެ ސަރަޙައްދެއްގައި އެއް ފަންގިފިލާގެ ސާވިސް ބްލޮކެއް އިމާރާތް ކުރުންވެސް މި މަޝްރޫޢުގައި ހިމެނެއެވެ.
މީގެ އިތުރުން 3573 އަކަފޫޓުގެ ސަރަޙައްދެއްގައި ދެ ފަންގިފިލާގެ އެކޮމަޑޭޝަން ބްލޮކެއް އިމާރާތް ކުރުމަށް ވަނީ ނިންމާފައެވެ.
ޖުމްލަ 11.7 މިލިއަން ރުފިޔާގެ މި މަޝްރޫޢަކީ 600 ދުވަހުގެ ތެރޭގައި ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫޢެކެވެ.
މި މަޝްރޫޢު ނިމުމުން ގައްދޫގެ އިތުރުން އެ ސަރަޙައްދުގެ ރަށްތަކުގެ ރައްޔިތުންނަށް ލިބެމުންދާ ސިއްޙީ ޚިދުމަތުގެ ފެންވަރު އިތުރަށް ރަނގަޅުވެ، ބޮޑު ލުއިފަސޭހައެއް ލިބިގެންދާނެއެވެ.
ކިޔުންތެރިންގެ ހިޔާލު